9-ӕм декабрӕй 16-æм декабрмæ Хуссар Ирыстоны территорийыл ӕрцыдис æртæ фыдракæнды, кæцытæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымӕй уӕлдай ма къуырийы дӕргъы республикӕйы фӕндӕгтыл ӕрцыд иу авари.
Планон рейдон мадзӕлттӕ уадзыны рӕстӕджы Фӕндагон змӕлды ӕдасдзинады инспекци къуырийы дӕргъы сбӕлвырд кодта 258 фӕткхалӕн цауы. Уыдонӕй 7 уыдысты нозтджынӕй машинӕ скъӕрыны цаутӕ.
Ӕхсӕнадон фӕтк фехалыны фӕстиуӕгӕн бӕрндзинадмӕ конд ӕрцыдис иу адӕймаг.
13-ӕм декабры Цхинвалы рынчындонмӕ кардӕй цӕфтимӕ бахаудта нӕ горӕты 53-аздзыд сылгоймаг. Дохтыртӕ йын операци сарӕзтой ӕмӕ ныр йӕ цардӕн тӕссаг нал у. Милицийы кусджытӕ оперативонсгарӕн мадзӕлттӕ ауадзыны фӕстиуӕгӕн ӕрцахстой нӕ горӕты 55-аздзыд цӕрӕджы, кӕцымӕ сӕ зӕрдӕ фехсайдта ацы фыдракӕнд саразынæй.
Милицийы наркотикон буарадты ӕрзылд контроль кӕныны управленийы ӕмӕ Ленингоры районы милицийы управленийы кусджытӕ баурӕдтой 39-аздзыд Орчъосаны хъӕуы цӕрӕджы, кӕцымӕ сӕ зӕрдӕ фехсайдта наркотикон буарадӕй спайда кӕнынæй. Басгӕрсты рӕстӕджы йын йӕ хӕдзары ссардтой наркотикон буарад «марихуана». Бархалæгыл конд æрцыдис уголовон хъуыддаг æмæ ма наркотикон буарад «марихуана»-йæ æнæзакъонæй кæй спайда кодта, уый фæдыл æй тæрхондон фæивар кодта 8 мин сомы. Уымæй уæлдай ма, горæттаг 42-аздзыд цæрæг æнæзакъонæй кæй спайда кодта наркотикон буарадтæй «Морфин», «Марихуана» æмæ «Бензодиазепин»-æй, уый фæстиуæгæн тæрхондоны уынаффæмæ гæсгæ фæтк-халæг ивар æрцыдис 10 мин сомы.
Милицийы экономикон фыдракӕндтӕ ма руадзыны фӕдыл управленийы кусджытӕ Цхинвалы рейдон мадзӕлттӕ ауадзыны фӕстиуӕгӕн иу магазины ссардтой алыгъуызон пиротехникон дзаумӕттӕ, кӕцытӕн нӕ республикӕйы уӕй кӕныны бар нӕй. Магазингӕсыл арӕзт ӕрцыдис административон суагъæ ӕмӕ йын йӕ хъуыддаг алæвæрдтой горӕты тӕрхондонмӕ.
Comments are closed, but trackbacks and pingbacks are open.