14-ӕм октябрӕй 21-æм октябрмæ Хуссар Ирыстоны территорийыл фыдракæнд не ‘рцыдис. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыд фондз авари, кæцыты фæстиуæгæн рынчындонмæ бахаудтой 8 адæймаджы.
Планон рейдон мадзӕлттӕ уадзыны рӕстӕджы Фӕндагон змӕлды ӕдасдзинады инспекци къуырийы дӕргъы сбӕлвырд кодта 205 фӕткхалӕн цауы. Уыдонӕй 6 уыдысты нозтджынӕй машинӕ скъӕрыны цаутӕ.
Алыгъуызон бархалыны фӕдыл бӕрндзинадмӕ конд ӕрцыдысты 2 адӕймаджы.
Наркотикон буарадты æрзылдыл контроль кæныны управленийы кусджытæ баурæдтой Цхинвалы районы Цъунары хъæуы 34-аздзыд цæрæджы, кæцы æнæзакъонæй спайда кодта наркотикон буарад «марихуана»-йæ. Басгæрсты рæстæджы ма ацы æмбæстаджы хисæрмагонд хæдзары ссардтой наркотикон буарад æмæ гæны къутæр. Барсæттæджы бæрн-дзинадмæ æркодтой цалдæр административон статьямæ гæсгæ æмæ йæ фæивар кодтой 14 мин сомы. Уымæй уæлдай ма 34-аздзыд горæттаг цæрæджы æмæ 28-аздзыд Цæгат Ирыстойнаг æмбæстаджы дæр фæивар кодтой фæйнæ 8 мин сомы æнæзакъонæй наркотикон буарадæй кæй спайда кодтой, уый тыххæй.
Ленингоры районы Икъоты хъæуы ссыгъд хисæрмагонд хæдзар. Зынгсирвӕзты рӕстӕджы хӕдзары хицау, 86-аздзыд бынæттон цæрæг бахаудта рынчындонмæ.
Цхинвалы 8-æм Июны уынджы 8-аздзыд сывæллон бахаудта машинæйы бын æмæ йæ уæлæнгай цæфтимæ аластой рынчындонмæ. Шофыр бамбæхст, фæлæ оперативон-агурæн мадзæлттæ райсыны фæстиуæгæн цыбыр æмгъуыдмæ ахст æрцыд. Барсæттæг разынд 44-аздзыд горæт Дербенты цæрæг. 32-аздзыд горæттаг цæрæг йæ автомашинæ «ВАЗ-2109» скъæргæйæ фехæлдта фæндагон фæткойтæ æмæ Джыгкайы фырты уынгæй Горькийы уынгмæ азилæны сæмбæлд автомашинæ «ВАЗ-2114»-ыл, кæцыйы шофыр та разынд 22-аздзыд Цхинвалы цæрæг. Аварийы фæстиуæгæн дыууæ шофыр æмæ дыууæ бæлццоны бахаудтой рынчындонмæ.
Comments are closed, but trackbacks and pingbacks are open.