Дыууæ къуырийы дæргъы Хуссар Ирыстоны территорийыл фыдракæнд не ‘рцыд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымӕй уӕлдай ма республикӕйы фӕндӕгтыл ӕрцыд цыппар фӕндагон-транспортон цауы. Авариты фӕстиуӕгӕн рынчындонмӕ алыгъуызон цӕфтимӕ бахаудтой дыууӕ адӕймаджы.
Алыгъуызон бархалыны фӕдыл горӕты милицийы управленийы кусджытӕ бӕрндзинадмӕ ӕркодтой авд адӕймаджы.
Фæндагон змæлды æдасдзинады инспекци дыууæ къуырийы дæргъы сбæлвырд кодта 413 фæткхалæн цауы. Уыдонæй 23 шофыры разындысты нозтджынтӕ кӕнӕ та уыдысты наркотикты ӕндӕвдады бын.
Милицийы экономикон фыдракӕндтӕ ма ӕруадзыны фӕдыл управленийы кусджытӕ рейдон мадзӕлтты рӕстӕджы базарадон объектты баййӕфтой пиротехникон дзаумӕттӕ сӕдӕйӕ фылдӕр ӕмӕ сӕ сконфискаци кодтой. Уымӕй уӕлдай ма сконфискаци кодтой контрафактон карз нозтытӕ ӕмӕ энергетикон нозтытæ дӕр. Амалиууӕггӕнджытыл бакодтой административон суагъӕтӕ, кӕцытӕ ӕрвыст ӕрцӕудзысты тӕрхондонмӕ.
Горæт Цхинвалы милицийы фадыгон инспектортæ дæр рейдон мадзæлтты рæстæджы базарадон объектты сконфискаци кодтой пиротехникон дзаумæттæ 2300 фылдæр. Амалиуæггæнджытыл баконд æрцыдысты административон суагъæтæ æмæ сæ арвитдзысты тæрхондонмæ.
29 декабры 50-аздзыд горӕттаг цӕрӕг фӕндаджы иннӕ фарс-мӕ хызт ӕнӕран бынаты ӕмӕ бахауд автомашинӕйы бын æмæ бахауд рынчындонмæ. Медицинон басгӕрст куыд рабӕрӕг кодта, афтӕмӕй шофыр спайда кодта марихуанайӕ.
4 январы Дзауы районы Уыцыфарсы хъæуы 83-аздзыд бынæттон цæрæгыл йæ кæрты мæнгагъуысты архайгæйæ арт сирвæзт. Хъыгагæн, сылгоймаг бынаты фæмард.
6 январы рынчындонмæ уæззау уавæры бахаудта горæттаг 79-аздзыд цæрæг – йæ риу уыд æхсæнгарзæй æхст. Куыд рабæрæг, афтæмæй ацы æмбæстаг, йæ хисæрмагонд хæдзары уæвгæйæ, хъавыд йæхи амарынмæ æмæ йæхи фехста æхсæнгарзæй.
