27 ноябрæй 4 декабрмæ Хуссар Ирыстоны территорийыл фыдракæндтæ не ‘рцыд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы.
Алыгъуызон бархалыны фӕдыл горӕты милицийы управленийы кусджытӕ бӕрндзинадмӕ ӕркодтой фондз адӕймаджы.
Фæндагон змæлды æдасдзинады инспекци къуырийы дæргъы сбæлвырд кодта 299 фæткхалæн цауы. Уыдонæй 13 шофыры разындысты нозтджынтӕ, кӕнӕ та уыдысты наркотикты ӕндӕвдады бын.
Милицийы экономикон фыдракæндтæ ма æруадзыны фæдыл управленийы кусджытæ рейдон мадзæлттæ уадзыны рæстæджы иу дуканийы баййæфтой энергетикон нозтытæ 24 банкæйы бæрц æмæ сæ сконфискаци кодтой. Цалдӕр дуканийы та баййæфтой 200 авджы бæрц карз нозтытæ уæййаг æнæ лицензийæ æмæ уыдон дæр конфискаци æрцыдысты. Уымӕй уӕлдай ма, иу дуканийы та баййӕфтой тамакотӕ уӕййаг 50 къоппы бӕрц ӕнӕ лицензийӕ ӕмӕ сӕ сконфискаци кодтой. Дуканиты хицæуттыл бакодтой административон суагъæтæ æмæ сæ арвитдзысты тæрхондонмæ.
Цхинвалы районы милицийы управленийы кусджытæ рейдон мадзæлтты рæстæджы баурæдтой цыппар æмбæстаджы, кæцытæ спайда кодтой марихуанайæ. Уымæй уæлдай ма баурæдтой ӕртӕ æмбæстаджы, кæцытæм сæ зæрдæ фехсайдта наркотиктæй спайда кæнынмæ, фæлæ нæ бакуымдтой медицинон басгæрстмæ. Фæткхалджыты тæрхондон фæивар кодта.
