МИДХЪУЫДДÆГТЫ МИНИСТРАД ХЪУСЫН КÆНЫ

27 июнæй 4 июлмæ Хуссар Ирыстоны территорийыл æрцыдис дыууæ фыдракæнды æмæ дзы иу раргом ис. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис цыппар фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудта иу адæймаг, иу адæймаг та мæлгæ акодта.

Алыгъуызон бархалыны фӕдыл бӕрндзинадмӕ конд ӕрцыдысты дыууæ адӕймаджы.

Фæндагон змæлды æдасдзинады инспекци къуырийы дæргъы сбæлвырд кодта 291 фæткхалæн цауы. Уыдонæй 5 уыдысты нозтджынæй машинæ скъæрыны цаутæ.

28 июлы Дзауы районы Къуайса-Гуфтайы фæндаджы 43-æм километры æрцыдис æнамонд цау. 17-аздзыд æнæххæст кары сывæллон, горæт Цхинвалы цæрæг, нæ сарæхст автомашинæ «ВАЗ-21014» скъæрынмæ æмæ ныццавта 19-аздзыд горæттаг цæрæджы, кæцы аварийы фæстиуæгæн фæдæлбыл æмæ ныххауд ивылд донмæ. Фæстæдæр æрыгон лæппуйы мард ссардтой Гуфтайы хъæумæ æввахс.

28 июлы Ленингоры районы Икоты хъæуы 64-аздзыд цæрæг фехъусын кодта арæнхъахъхъæнджытæн, ома мæм хæдзары ис цуанон æхсæнгарз æмæ дзы ницы пайда кæнын. Барадхъахъхъæнæг органтæ бацыдысты æмæ рахастой æхсæнгарз.

Милицийы наркотикты ӕрзылдыл контроль кӕныны управленийы кусджытӕ Цхинвалы районы Ксуисы хъæуы 43-аздзыд цæрæджы хисæрмагонд хæдзар басгарыны рæстæджы цæхæрадоны ссардтой дыууæ гæны къутæры. Уымæй уæлдай ма медицинон басгæрсты рæстæджы ацы фæткхалæгæн рабæрæг ис, кæй спайда кодта наркотикон буарад «метадон»-æй.

30 июлы ма милицийы наркотикты ӕрзылдыл контроль кӕныны управленийы æмæ горæт Цхинвалы милицийы хайады кусджытӕ опреативон-сгарæн мадзæлттæ ауадзыны рæстæджы микрорайон «Северный»-йы ссардтой 11 гæны къутæры. Уымæй уæлдай ма баурæдтой 43-аздзыд го-рæттаг цæрæджы, кæцымæ сæ зæрдæ фехсайдта наркотиктæй спайда кæнынмæ. Фæткхалæг нæ бакуымдта медицинон басгæрстмæ.

Знауыры районы милицийы хайады кусджытæ уадзынц рейдон мадзæлттæ, кæцытæ нысанмæздæхт сты, бынæттон цæрджыты цæхæрадæтты наркотикон буарадтæ кæм ис, ахæм зайæгойтæ сбæлвырд кæнын . Ныридæгæн уал азылдысты Зиууат, Суадæттæ æмæ Балтайы хъæутыл – фæткхалæн цаутæ дзы бæрæг не рцыд.