Нæ республикæйы, сæйраджыдæр, æртагæй ифтонг кæны Паддзахадон унитарон куыстуат «Югосетнефтепродукт», кæцы æмгуыст кæны уæрæсейаг компани «Роснефть»-имæ.
Ацы куыстуатæн цы зæронд æртагифтонггæнæн станц уыд, уый ацы бонты ивд æрцыд ногæй. Йæхи фæрæзтæй йæ сарæзта «Югосетнефтепродукт»-ы куыстуат.
Ног объект бабæрæг кодта республикæйы Президент Бибылты Анатоли. Йемæ ма уыдысты Экономикон райрæзты министр Бекъойты Геннади æмæ Арæзтад æмæ архитектурæйы министр Зæгъойты Эдуард. Паддзахадон унитарон куыстуаты сæргълæууæг Джыгкайты Сослан æрдзырдта ног станц саразыны нысаныл: «Фæстаг азты нæ республикæйы бирæ фæзынд коммерцион æртагифтонггæнæн станцтæ. Уыдонæй иуæй-иутæ арæзт æрцыдысты нырыккон домæнтæм гæсгæ. Махæн нæ æртаггæнæн станц раджы базæронд. Нырыккон станцты нормæтæн дзуапп нæ лæвæрдта. Зæгъæн ис, æртаггæнæн станцтæ кæй сты республикæйы цæсгом. Нæ республикæйы цы коммерцион æртаггæ-нæнтæ ис, уыдонæй иуæй-иутæ æмгуыст кæнынц Уæрæсейаг компани «Роснефть»-имæ, се ‘ннæ хай та – хицæн амалиуæггæнджыты нефтепродуктон станцæтимæ.Æрласæггаг æртаджы гъæд алылхатт æмхуызон нæ вæййы. Мах æртагæй пайда кæнынц, куыд сæрмагонд машинæты шофыртæ, афтæ паддзахадон уагдæтты цы машинæтæ ис, уыдоны шофыртæ дæр. «Роснефть»-ы бренды маркæйы бын цы бензин æмæ дизелон æртаг цæуы, уыдон сты гъæдджын. Цалынмæ æртаг «Роснефть»-ы компанийæ нæ раласынц, уæдмæ йын арæзт æрцæуы анализ. Анализ ист цæуы Уæрæсе æмæ Хуссар Ирыстоны арæныл дæр. Гуырысхо чи кæны æртаджы гъæдыл, уыдонæн сæ бон у бацæуой стандартизаци æмæ метрологийы комитетмæ æмæ уым сбæрæг кæной, кæцыфæнды æртаджы маркæйы гъæд дæр», – загъта «Югосетнефтепродукт»-ы директор.
Уый ма загъта, зæгъгæ, нырмæ кæд станц æрмæст АИ-92 маркæйы æртаг уæй кодта, уæд, ныр фæнд кæнæм АИ-95 маркæйы æртаг æмæ дизелон æртаг реализаци кæнын дæр. Арæзт ма æрцæудзæнис газы станц дæр.
Бибылты Анатоли дæр йæ раныхасы банысан кодта, зæгъгæ, фæстаг рæстæджы «Югосетнефтепродукт»-ы куыст бæрæг фæхуыздæр. Æртаджы фæлхасгæнджытæ бонæй-бон кæнынц фылдæр æмæ, кæй зæгъын æй хъæуы, паддзахадон бюджетмæ дæр цæуы фылдæр фæрæзтæ.
Президент хæслæвæрд радта Архитектурæ æмæ арæзтады министрадæн цæмæй цыбыр рæстæгмæ схæрзарæзт кæна ног æртагуадзæн станцмæ цы фæндаг цæуы, уый.
УАЗÆГТЫ Марфа
Comments are closed, but trackbacks and pingbacks are open.