4-æм августы Мæскуыйы къухтæ фыст æрцыдысты Уæрæсейы Федераци æмæ Республикæ Хуссар Ирыстоны ‘хсæн 2022-2025 азтæн Республикæ Хуссар Ирыстоны социалон-экономикон рæзтæн ахъазгæнæг Паддзахадон программæйы реализацийæн баххуыс кæныны тыххæй Сразыдзинадыл.
Хуссарирыстойнаг фарсы ‘рдыгæй документыл йæ къух æрфыста Хицауады сæрдары хæдивæг – экономикон рæзты министр Тадтаты Дзамболат, уæрæсейаг фарсы ‘рдыгæй та – экономикон рæзты министр Максим Решетников.
Сразыдзинадыл къухтæ æрфыссыны церемонийы фæстæ уыдон рахызтысты прессæйы минæвæртты размæ, кæцыйы рæстæджы Максим Решетников банысан кодта, зæгъгæ, Уæрæсе æххуыс кодта æмæ дарддæр дæр æххуыс кæндзæн Хуссар Ирыстонæн, фыццаг рады, социалон фарстытæ скъуыддзаг кæныны.
«Мах нæ къухтæ æрфыстам ног Сразыдзинадыл, кæцыйы бындур сты æрмæст хицæн хæстæ аскъуыддзаг кæнын нæ, фæлæ комплексон, системон ахаст, кæцы бындуриуæг кæны паддзахадон программæйы рæзтыл. Тынг ахсджиаг у уый, æмæ программæмæ хаст кæй æрцыд мадзæлтты комплекс, кæцытæ здæхт сты экономикон рæзт æмæ бизнесæн баххуыс кæнынмæ. Ныфс нæ ис, ацы сразыдзинæдты бындурыл мах дарддæр дæр кæй фидардæр кæндзыстæм республикæйы экономикон бындур, архайдзыстæм хисæмагонд æфтиæгтæ фылдæр кæныныл. Цæмæй республикæйæн йæ бон уа сæмагондæй æмæ фидарæй рæзын», – загъта уый.
Йæ рады Тадтаты Дзамболат банысан кодта Сразыдзинадыл къухтæ æрфыссыны ахсджиагдзинад,æмæ раарфæ кодта уæрæейаг фарсæн сæ æнæаивгæ æххуысы тыххæй. «Республикæ Хуссар Ирыстонæн уый у ноджы иу къахдзæф йе стратегион партнер – Уæрæсейы Федерацимæ интеграцийы тыххæй. Абон къухтæ æрфыстам тынг ахсджиаг документыл, кæцы баххуыс кæндзæн практикон æгъдауæй республикæйы царды æппæт къабæзтæн: социалон-экономикон фадыг, амалиуæгад, куыстмызд фидыны системæ, хъæууон хæдзарад, туризм æмæ афтæ дарддæр. Уавæрæй пайда кæнгæйæ, мæ фæнды уæрæсейаг фарсæн, нæ цытджын коллегæтæн раарфæ кæнын, республикæйы рæзтæн сæ алыварсон æххуысы, регулярон методикон фарсхæцынады тыххæй», – банысан кодта Тадтаты Дзамболат.
Сразыдзинады хынцыд æрцыд, Экономикон фадыджы рæзты тыххæй Хуссар Ирыстонæн финансон æххуыс бакæнын, уыцы нымæцы паддзахадон æмæ муниципалон уагдæтты, паддзахадон управленийы органты кусджытæн куыстмызд этапгай фылдæр кæнын, мидхъуыддæгты органты материалон-техникон ифтонгад, Республикæ Хуссар Ирыстоны мидхъуыддæгты министрады хайадты кусджыты социалон гарантитæ фæбæрзонддæр кæнын, Уæрæсе æмæ Хуссар Ирыстоны мидхъуыддæгты министрады иумиаг информацион координацион центры архайд ифтонг кæнын.
Comments are closed, but trackbacks and pingbacks are open.