Мæскуыйы Стæм чингуытæ æмæ коллекцийы центр «Вселенная Гутенберга»-йы кæсæн залы Республикæ Хуссар Ирыстон æмæ фæсарæйнаг литературæйы библиотекæ къухтæ æрфыстой æмгуыстады тыххæй сразыдзинадыл. Сразыдзинады хынцыд æрцыдысты минæварад æмæ библиотекæйы ‘хсæн культурон-рухсадон æмæ ахуырадон программæты æмæ проекты реализацийæн уавæртæ саразын. «Абон, мах цы къахдзæф сарæзтам, уый у не ‘мгуыстады тынг хорз, оперативон æмæ активон райдиан. Фæлæ сæйраг у, нæ адæмты цард ирддæр саразынмæ нын тырнындзинад кæй ис, уый. Мах спайда кæндзыстæм æппæт потенциалæй, цæмæй нæ библиотекæйы раргом кæнæм Хуссар Ирыстоны хъæздыг æмæ цымыдисон историйы тыххæй», – банысан кодта библиотекæйы генералон директор Па-вел Кузьмин.
Фембæлды рæстæджы РХИ-йы минæварад æмæ фæсарæйнаг ли-тературæйы библиотекæ сбæрæг кодтой иумиаг архайды сæйраг здæхтытæ: рауагъдон æмæ тæл-мацгæнæн архайд, культурон-рухсадон программæтæ, ирон литературæ размæ кæнын. Павел Кузьмин банысан кодта, зæгъгæ, Хуссар Ирыстоны культурæ максималонæй бавдыст æрцыд библиотекæмæ.
«Махæн стыр кад у ацы легендарон бæстыхайы кæй стæм, уый. Ныфс нæ ис, нæ зонгæдзинад кæй сырæздзæн стыр æмæ фидар хæлардзинадмæ, уымæй. Нæ абоны фемæблд у позитивон нæ дарддæры æмгуыстадæн», – загъта Уæрæсейы Хуссар Ирыстоны æххæстбарджын минæвар Гасситы Знауыр.
Фембæлды рæстæджы Гассийы фырт Республикæ Хуссар Ирыстоны президент Гаглойты Аланы номæй раарфæ кодта библиотекæйы къухдариуæгад æмæ кусджытæн иумиаг проекттæн уавæртæ кæй аразынц, уый тыххæй. Уый ма загъта, зæгъгæ, йæ ныфс ис æнтыстджын æмгуыстадæй.
Сразыдзинадыл къухтæ æрфыссыны фæстæ минæварады делегаци базонгæ библиотекæйы тыгъдадимæ.
Comments are closed, but trackbacks and pingbacks are open.