Хуссар Ирыстоны Юстицийы министрад æмæ УФ-йы тæрхондонон приставты федералон службæ сæ къухтæ æрфыстой 2024-2025 азты æмгуыстады програм-мæйыл.
Документыл къухтæ фыст æрцыд Петербурджы XII æхсæнадæмон юридикон форумы фæлгæтты, – хъусын кæны РХИ-йы Юстицийы министрады пресс-службæ.
Юстицийы министрад æмæ Уæлдæр тæрхондоны делегаци хайад исынц Петербурджы XII æхсæнадæмон юридикон форумы. Уымæн йæ куыст райдыдта конгрессон-равдыстон центр «Экспофорум»-ы.
Ведомствойы куыд радзырдтой, афтæмæй Хуссар Ирыстоны фарсæрдыгæй программæйыл йæ къух æрфыста РХИ-йы Хицауады сæрдары хæдивæг – юстицийы министр Джиоты Алан, Уæрæсейы Федерацийы фарсæрдыгæй – тæрхондонон приставты федералон службæйы директор – УФ-йы сæйраг тæрхондонон пристав Дмитри Аристов.
Петербурджы æхсæнадæмон юридикон форум у диалогы егъау фæзуат юридикон, амалиуæгадон, политикон æмæ барадхъахъхъæнынадон æмæхсæнадты ‘хсæн æмбæстæгты æмæ бизнесы барады фарстаты фæдыл.
Форумы сæйраг темæ у «Право – основа глобального равновесия».
Петербурджы æхсæнадæмон юридикон форум – 2024-ы фæлгæтты план цæуы БРИКС-ы бæстæты юстицийы министрты æмбырд, коррупци иуварс кæныны фæдыл æхсæнпаддзахадон советы кусæгон къорды рабадт Сомихстон, Белоруси, Казахстан, Хъыргъызтан, Таджикистан æмæ Уæрæсейы минæвæртты хайадистæй, Хæдбар паддзахадты æмхæларады бæстæты адæймаджы барты фæдыл комитеты рабадт, юстицийы министрты гом рабадт, афтæ ма УФ-йы Конституцион тæрхондоны минæвæртты лекцитæ.
Форум уадзы УФ-йы Юстицийы министрад æмæ Росконгрессы фонд.
