Республикæ Хуссар Ирыстоны гом акционерон æхсæнад Фæдзæхстад компани «Югосетгосстрах»-ы среализаци æрцыд ОСАГО-йы 497 фæдзæхстон полисы. Уый фæстиуæгæн фæдзæхстон æфтиæгтæй æрæм-бырд 1 281 708 сомы, уыдонæй фæндагон-транспортон цауты рæстæджы зиан кæмæн рачындæуыд, уыдонæн фæдзæхстон бафысты хуызы лæвæрд æрцыд 232 647 сомы. 558 844 сомы та хардз æрцыд «Югосетгосстрах»-ы фондз кусæгæн мыздæн æмæ хæдзарадон хæрдзтæн.
Уыимæ иумæ Национ бангмæ хынцыд æрцыд 266 395 сомы, Пенсион фондмæ 79 171 сомы, 30 328 сомы та бафыстæуыд æфтиæгты хъалон. Уымæй дарддæр «Югосетгосстрах»-æн кредитон хæс бафидинаг ис 148 602 сомы.
Республикæ Хуссар Ирыстоны гом акционерон æхсæнад Фæдзæхстон компани «Югосетгосстрах»-ы уставон (базæйон) фонд у, «Акционерон æхсæнадты тыххæй» закъон цас домы, уыйас, фæлæ фæсауæрцон фонд нормæйæ у цыппар хатты фылдæр. Уый у, æнæнхъæлæджы фæдзæхстон цаутæ, мыййаг, куы æрцæуа, уæд уыдонæн бафидынæн.
Бафиппаинаг у уый, æмæ автомашинæты хицæуттæ Хуссар Ирыстоны аслам по-листæ куы райсынц, уæд райгондæй баззайынц, фæлæ сæ исчи авари куы саразы æмæ бæрндзинады лимитмæ гæсгæ 40 мин сомы йедтæмæ куынæ райсынц, уæд та цы фæдзæхстон фæрæзтæ райсынц, уымæй райгонд нæ вæййынц. Фæдзæхстон компани автомашинæты хицæуттæн æмбарын кæны, сæ автотранспорт барвæндонæй куы бафæдзæхсой цыфæнды суммæйæ дæр (сæдæ минæй, дыууæсæдæ минæй, æртæсæдæ минæй), уæд фæдзæхстон фиддон дæр фылдæр уыдзæн, фæлæ фæндагон-транспортон цауы рæстæджы райсдзысты фылдæр фæдзæхстон фæрæзтæ.
Бæрндзинады лимит фæфылдæр кæнынимæ уыдон разы вæййынц, фæлæ фæдзæхстон тариф фæфылдæр кæныныл нæ фæразы кæнынц æмæ фæдомынц, цæмæй сын фæдзæхстон полис арæзт æрцæуа 40 мин сомæй, ома, закъон куыд домы, афтæ.
Бирæтæ фæдзурынц, зæгъгæ, фæдзæхстадон компани нæ фиды фæдзæхстон суммæ, фæлæ уыдон дам-думтæ сты. Уыцы суммæ фыст цæуы бæрндзинады полисмæ гæсгæ, растдæр зæгъгæйæ та – 40 мин сомы.
Уставон æмæ резервон фонды фæдыл РХИ-йы Хицауад йæхи уынаффæ æмæ Президенты барамынд кæй не ‘ххæст кæнынц, уый тыххæй фæдзæхстон организацийæн нæдæр фадат ис æмæ нæдæр бар республикæйы горæттæ æмæ районты филиалтæ бакæнынæн æмæ 82 адæймаджы куыстæй сифтонг кæнынæн. Ныртæккæ фæдзæхстон компанийы ис æрмæстдæр æртæ штатон иуæджы.
Куыд Уæрæсейы Федерацийы цыфæнды фæдзæхстадон компани, афтæ Республикæ Хуссар Ирыстоны гом акционерон æхсæнад «Югосетгосстрах» дæр цæттæ у фæдзæхс-ты цыфæнды хуыз æмæ формæтæ ауадзынмæ.
Банысан кæнын ма хъæуы уый дæр, æмæ «Югосетгосстрах» цы бæстыхайы ис, уый у аварион, уым уæвын æмæ кусынæн у тæссаг. Уыимæ ма организацийæн нæй оргтехникæ, æмæ инвентарь, нæй сын рекламон куыстæн фæрæзтæ дæр.
Республикæ Хуссар Ирыстоны гом акционерон
æхсæнад Фæдзæхстадон компани
«Югосетгосстрах»-ы правлени
Comments are closed, but trackbacks and pingbacks are open.