Бонæй бонмæ коронавирусы инфекци парахат кæныны тасдзинад кæй къаддæр кæны, уый фæстиуæгæн 2022 азы 5 марты уыд коронавирусы инфекцийы ныхмæ архайды фæдыл штабы рабадт.
Рабадты скъуыддзаг æрцыд, Республикæ Хуссар Ирыстоны территорийыл коронавирусы инфекцийы COVID-19 апарахаты тасдзинад кæй фæкъаддæр, уыимæ иумæ ма «Республикæ Хуссар Ирыстоны санитарон-эпидемиологон хæрзвадатдзинады уавæры тыххæй» 2010 азы 30 июны райсгæ закъоны 30-æм статьямæ гæсгæ, цæмæй сæ куыст адарддæр кæной астæуккагахуырадон, скъолайы агъоммæ æмæ уæлæмхас ахуырады сывæллæтты уагдæттæ; сывæллæтты хиирхæфсæн центртæ, сывæллæтты кафетæ, аттракционтæ, компьютерон клубтæ; физкультурæ æмæ спорты объекттæ, уыцы нымæцы: тренажерон залтæ, бассейнтæ, спортивон секцитæ.
Мадзалы скъуыддзаг æрцыд, цæмæй æхсæнадон хæлцады объекттæн дæр бар уа бæрæгбонтæ, цытджын мадзæлттæ уадзынæн.
Бар лæвæрд æрцыд культурон-массон, цытджын, бæрæгбонон, спортивон, хиир-хæфсæн мадзæлттæ уадзынæн.
Уыимæ иумæ ма скъуыддзаг æрцыд, цæмæй Республикæ Хуссар Ирыстоны Фæлхасгæнджыты бартæ æмæ адæйма-джы фæрныгад хъахъхъæныны фæдыл комитет ауадза мониторинг коронавирусы инфекцийæ рынчынты тыххæй, ифтонг æрцæуа лабораторон диагностикæ COVID-19 сбæрæг кæныны тыххæй.
Comments are closed, but trackbacks and pingbacks are open.