КОНКУРС «ХУЫЗДÆР ПУБЛИЦИСТОН УАЦ»

2024 −2026 азты Ирон æвзаг бахъахъæныны, райрæзыны æмæ ахуыр кæныны Республикæ Хуссар Ирыстоны программæйы фæлгæтты

Конкурс «Хуыздæр публицистон уац»

Уагæвæрд

газет «Хурзæрин»-ыл 100 азы сæххæсты боны цытæн хуыздæр публицистон уацмысы фæдыл Конкурсы тыххæй

 

1. Конкурсы нысан

Республикæ Хуссар Ирыстоны цæрджыты цымыдисдзинад æвзæрын кæнын райгуырæн зæххы истори, йæ адæммæ, йæ фæллойадон æмæ культурон традицитæм, фæсивæды хъуыдыкæнынады æмбæстагон-патриотон æргъадтæ фидар кæнын, мадæлон æвзаг чи зоны æмæ уарзы, ирон æвзагыл чи фыссы, йæ хъуыдытæ æмæ æнкъарæнтæ курдиатджынæй æмæ цымыдисæй чи радæтты, уыдоны сбæлвырд кæнын æмæ сæ сразæнгард кæнынмæ.

2. Конкурсы оргкомитет

2.1. Конкурсы организаци æмæ ауадзын æххæст кæны Конкурсы организацион комитет (дарддæр — Оргкомитет). Оргкомитеты сконд арæзт цæуы газет «Хурзæрин»-ы редколлегийы уæнгтæй æмæ æндæр эксперттæй.

2.2. Оргкомитет фидар кæны жюрийы сконд.

3. Конкурсы хайад райсыны уавæртæ

3.1. Конкурсы хайад райсын сæ бон у 18 — 55 азы онг кæуыл цæуы æмæ ирон æвзагыл чи фыссы, уыцы адæймæгтæн. Конкурсы хайадисджытæн сæ бон у цалдæр куысты бавдисын.

3.2. Конкурсы хайад райсыны тыххæй куырдиат ба¬дæттæн ис электронон хуызы æмæ гæххæттыл флеш-картæимæ.

3.3 Документтæ гæххæттыл флешкæимæ хъæуы æрвитын Конкурсы Оргкомитеты адрисыл: горæт Цхинвал, Путины уынг, 7, Мыхуыры хæдзар, 3-аг уæладзыг, газет «Хурзæрин»-ы редакци.

Кæнæ та cæ æрвитæн ис электронон хуызы электронон посты адрисмæ: xurzarin1@mail. ru

Куыстытæ ист цæуынц кусгæ бонты, 10 сахатæй 17 сахатмæ.

Конкурсы хайад райсыны документты æнæмæнгæй хъуамæ уа:

1. Куырдиаты фидаргонд хуызы авторы къухфыстимæ (кæнæ авторты къорд), фыст хъуамæ уа ирон æвзагыл ахæм форматы: Microsoft Word, шрифт — Times New Roman № 14, 1, 5 интервалимæ.

2. Флешкæ кæнæ компактдиск документтимæ:

— хайадисæджы куырдиат электронон хуызы;

— конкурсон куыст, кæцы дзуапп дæтты ацы Уагæвæрды домæнтæн.

3.4. Документтæ лæвæрд хъуамæ æрцæуой æххæстæй, кæннæд куырдиат ист не ’рцæудзæн.

4. Конкурс ауадзыны æмгъуыдтæ æмæ фæтк

4.1. 18.05.2024 азы — 18.07.2024 азы — ист цæудзысты куыстытæ

4.2. 2024 азы 18 июлæй 22 июлы онг — конкурсон куыстытæн аргъ кæнын, жюрийы рабадт, уæлахиздзауты сбæрæг кæнын.

4.3. Уæлахиздзаутæ хорзæхджын æрцæудзысты газет «Хурзæрин»-ыл 100 азы сæххæсты бон нысан кæныны мадзалы. Цытджын мадзалы развæлгъау бон — 2024 азы 23 июль — РХИ-йы дзыллон информацийы фæрæзты кусæджы бон.

5. Конкурсы уæлахиздзауты сбæрæг кæныны фæтк

5.1. Газет «Хурзæрин»-ы кусæг исы æмæ регистраци кæны куырдиæттæ бавдисгæ æрмæджытимæ уыцы бон.

5.2. Документтæ бадæттыны бонæй æртæ боны фæстæ æрмæджытæ лæвæрд цæуынц жюримæ æркæсыны тыххæй.

5.3. Жюри уынаффæтæ исы коллегиалон æгъдауæй. Куыстæн аргъ скæныны фæстиуджытæ фыст цæуынц суагъæйы.

5.4. Конкурсы уæлахиздзаутыл нымад цæуынц жюрийы уынаффæмæ гæсгæ фылдæр баллтæ чи райста, уыдон.

5.5. Конкурсы хатдзæгтæ мыхуыр æрцæудзысты газеты æмæ газетæн йæ сайт æмæ телеграм-каналы

6. Хорзæхджын кæнын

6.1. Конкурсы уæлахиздзаутæн лæвæрд æрцæудзысты дипломтæ æмæ æхцайы фæрæзтæ зæрдылдарæн сувениртимæ.

Æхцайы призтæ:

1-аг бынат — 40 000 сомы

2-аг бынат — 25 000 сомы

3 -аг бынат — 15 000 сомы

6.2. Оргкомитетæн бар ис хайадисджыты сразæнгард кæныны тыххæй уæлæмхас призтæ сфидар кæнын.

7. Конкурсон куыстытæй пайда кæнын

7.1. Конкурсы организатортæн ис бар конкурсон куыстытæй спайда кæнын æнæкоммерцион нысæнтты, авторæн (авторон коллективæн) æхцайы фæрæзтæ ма бафидгæйæ, фæлæ авторы (авторты) ном æнæмæнг нысан кæнгæйæ.

Контактон информаци

Адрис: Цхинвал, Путины уынг, 7, Мыхуыры хæдзар, 3-аг уæладзыг

Телефон: +7 929 804-92-25, E-mail: xurzarin1@mail. ru