2018 азы 1 июлæй АИ-92 маркæйы бензин æмæ дизелон æртаг фæзынаргъ уыдзысты, æмæ сæ аргъ уыдзæн хицæн адæймæгтæн 38 æмæ 43 сомы, бюджетон  организацитæ æмæ паддзахадон куыстуæттæн та – 40 æмæ 43 сомы.

Уый тыххæй знон фехъусын кодта республикæйы Экономикон рæзты министр Кокойты Геннади.

«Уæрæсейы Федерацийы ныртæккæ æртаг-сæрдæн æрмæджыты аргъ кæй ивы æмæ уый аххосæй кæй фæзынаргъ сты æппæты хъæуæгдæр æртаджы хуызтæ, уый зонынц æрмæст шофыртæ нæ, фæлæ рæнхъон æмбæстæгтæ дæр.

Æргътæ кæй фæфылдæр сты, уый æнæбандавгæ нæ фæци махмæйы æртаг-сæрдæн æрмæджыты базар æмæ Паддзахадон унитарон куыстуат «Югосетнефтепродукт»-ы куыстыл.

Ацы паддзахадон куыстуаты уавæр ноджы карздæр кæны уымæй, æмæ «Югосетнефтепродукт» хъуамæ æрæвнæлдтаид нырыккон æртаггæнæн станц аразынмæ, йæ куыстхъомдзинад фылдæр кæмæн уыдаид æмæ адæмæн лæггад кæнынæн хуыздæр дзуапп чи лæвæрдтаид, ахæм.

Уымæ гæсгæ мах дæр бахъуыд бар-æнæбары бынæттон æргътæ фæивын, фæлæ уæддæр уыдон сты, зæгъæм,  Цæгат Ирыстоны цас сты, уымæй ныллæгдæр.

Æркæсæм сæм,  кæрæдзийыл сæ абарынæн. Марты мæйы ма АИ-92 маркæйы бензины иу тоннæ нæ куыстуатæн лæууыди 28 520 сомы, апрелы  та ссис 30 662 сомы, майы схæццæ ис 36 000 соммæ. Абон та йæ аргъ у 42 118 сомы.

Дарддæр уавæр куыд уыдзæн, уый тынг зын зæгъæн у. Экспертты хъуыдымæ гæсгæ, уыдзæн ивд-дзинæдтæ, куыд æргъты фæфылдæр, афтæ фæкъаддæрырдæм дæр. Мах та нæхи ‘рдыгæй архайдзыстæм, цæмæй æргътæ  баззайой, цæгат-кавказаг республикæты куыд у, уымæй асламдæрæй», – банысан кодта Кокойты Геннади.

РХИ-йы Хицауады

Пресс-службæ

Ацы æрмæджытæ дæр бакæс:

РÆЗЫНЦ ÆРЛАСÆГГАГ ТОВАРТЫ ÆРГЪТÆ Куыстуат лæуд у рæзты фæндагыл Default ThumbnailÆртаджы æргъты рæзт æндавынц транспорты куыстыл æмæ… бинонты бюджетыл Default ThumbnailÆртаг-сæрдæн æрмæджыты аргъ бирæ къаддæр уыдзæн Цæгат Кавказимæ абаргæйæ РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.