Зымæджы бонты нæ республикæ арæх аззайы æнæ электроэнергийæ. Аварийы рæстæджы республикæйы цæрджытæ зындзинæдтæ февзарынц. Цæмæй ахæм цаутæй хызт уой Хуссар Ирыстоны цæрæг адæм, уый нысанæн ивгъуыд аз Уæрæсейы Федерацийы Æдасдзинады советы секретары хæдивæг Рашид Нургалиев йæ радон балцы рæстæджы ныфс бавæрдта, Уæрæсейы энергетиктæм кæй бахатдзæнис, цæмæй электрохызæджы хахх Ручъы тоннелыл æрцæуа уагъд Хуссар Ирмæ.
Уæрæсейы энергетикæйы министрады специ-алисттæ азы райдианы æрцыдысты нæ респуб-ликæмæ, цæмæй сахуыр кæной уæлæмхас хахх кæуылты æнцондæр уыдзæнис рауадзын, уыцы фарстатæ. Ручъы тоннелыл электроэнергийы хахх ауадзынмæ хъуамæ æрæвнæлдтаиккой сæрды мæйты æмæ азы кæронмæ хъуамæ æппæт куыстытæ дæр уыдаиккой фæуд. Мах бацымыдис кодтам, ныртæккæ куыстытæ цы стадийыл сты, уыцы фарстмæ. Уый фæдыл Республикæйы энергетикæ æмæ сæудæджерады комитеты сæргълæууæг Санахъоты Батрадз афтæ загъта:
«Æрæджы æрцыд цæттæгæнæн куыстытæ, цæмæй Ручъы тоннелыл уагъд æрцæуа йæ дæргъ 110 километры кæмæн уыдзæнис, ахæм уæлæмхас хахх. Йæ арæзтадмæ æрæвналдзысты 2020 азы. Куыд зонæм, афтæмæй республикæ электроэнергийæ ифтонг цæуы Уæрæсейæ цæуæг иунæг хаххæй, кæцы цæуы Зæрæмæг-Цæгаттаг портал – Дзауы электрохах-хыл. Электроифтонгадæн ног резервон ЛЭП саразын кæй хъæуы, уыцы фарстыл уынаффæ цыд социалон-экономикон æмгуыстады фæдыл Æхсæн-хицауадон къамисы рабадты дæр. Мах бакуыстам æхсæз проектыл, уыдонæй иууыл æнцонвадатдæр у тъунелы уылты кабель ауадзын. Уымæн æмæ йыл не ‘ндавдзæнис æвзæр боныгъæд.
Уый ма куыд загъта, афтæмæй зымæгон бон-ты Дзомагъгоммæ æфцæгыл фæндаг нæ вæййы. Ацы бæрзонд хæххон бынат у зынвадат, тæссаг у зæйтæ æрцæуынæй дæр. Уырдæм афæдз аст мæйы дæргъы бацæуæнтæ нæ вæййы. Афтæ зæгъæн нæй, ома, электрохызæ-джы кусджытæ æвзæр кусынц æмæ уымæн ас-къуыйы электроны хахх. Сæрдыгон рæстæг Паддзахадон унитарон куыстуат «Энергоресурс»-ы кусджытæ бакæнынц профилактикон куыстытæ ранæй-рæтты, бацæттæ йæ кæнынц, фæлæ уæззау, хуылыдз мит нæ бауромынц хæххытæ. Куыддæр ацы аз резервон электрохахх арæзт æрцæуа, афтæ цæрджытæ хатгæ дæр нал фæкæндзысты авари кæй æрцыд, уый.
Мах ма цымыдис кодта, ацы мæй цы Æхсæнхицауадон рабадт уыдзæн, уым дзырд цæудзæнис 2020-22 азты Инвестпрограммæйы фæлгæтты арæзт цы æрцæудзæнис, уыдоны номхыгдмæ бахаудзæн æви нæ Зонкъары ГЭС-ы арæзтад. Уый фæдыл та Санахъоты Батрадз афтæ загъта: «Хъыгагæн, ныртæккæ нæ республикæмæ электроэнерги æмæ газ æмткæй цæуы Уæрæсейы Федерацийæ, хæххон рельефтыл, уый та æдас нæу канд зымæг нæ, фæлæ ма сæрд, дæр. Æрдзон катаклизмæты аххосæй уыдон, гæнæн ис, сæ куыстæй æрлæууой алы уысм дæр. Уымæ гæсгæ ГЭС саразыны фарст раздæр дæр æмæ ныр дæр актуалон у.
Специалисттæ банымадтой æмæ сахуыр кодтой Зонкъары ГЭС-ы арæзтад республикæйæн цас слæудзæнис. Ныртæккæ махæн нæ бон нæу, уый бæрц фæрæзтæ ссарын. Уымæ гæсгæ фарст хаст æрцыд фæстæдæр рæс-тæгмæ», – загъта Санахъоты Батрадз.
УАЗÆГТЫ Марфа
Comments are closed, but trackbacks and pingbacks are open.