6 октябрь. 10 азы размæ (2009) Дзæуджыхъæу, Цæгат Ирыстоны Абайты Васойы номыл гуманитарон æмæ социалон иртасæнты институты (ЦИГСИИ) уагъд æрцыд дунеон юбилейон зонадон конференци… Уæрæсе æмæ Кавказ». Арæзт æрцыд Хетæгкаты Къостайы 150 азы, Ирыстон Уæрæсеимæ баиуы 235 азы æмæ Дзæуджыхъæуы 225 азы юбилейты кадæн.
9 октябрь. 100 азы размæ (1919-1994) Хъæрæсе-Черкесы Республикæйы Хетæгкаты Къостайы хъæуы райгуырдис Советон Цæдисы Хъæбатыр Козаты Алыксандр Барисы фырт.
10 октябрь. 85 азы размæ (1934) горæт Цхинвалы райгуырдис историон зонæдты кандидат, профессор, Хетæгкаты Къостайы номыл паддзахадон премийы дыууæ хатты лауреат Гаглойты Юри Сергейы фырт.
13 октябрь. 10 азы размæ (2009) Дзауы астæуккаг скъолайы кæрты цытджын æгъдауæй гом æрцыд Хетæгкаты Къостайы цырт.
15 октябрь. 160 азы размæ (1859-1906) Цæгат Ирыстоны Нары хъæуы райгуырдис гениалон ирон поэт, публицист, æхсæнадон архайæг, ирон литературæ æмæ ирон литературон æвзаджы бындурæвæрæг, прозаик, драматург, нывгæнæг, этнограф Хетæгкаты Леуаны фырт Къоста.
15 октябрь. 90 азы размæ (1929-2013) Цæгат Ирыстоны Хуымæллæджы хъæуы райгуырдис Республикæ Цæгат Ирыстон-Аланийы фыццаг Президент Галазты Æхсарбег Хадзымырзæйы фырт.
28 октябрь. 20 азы размæ (1999) Дзæуджыхъæуы Хæххон паддзахадон аграрон университеты Культурæйы галуаны цыд ирон адæмы цыппæрæм съезд. Съезды куысты архайдтой делегаттæ Цæгат æмæ Хуссарæй, не ‘фсымæртæ – Уæрæсейы алы къуымтæй.
30 октябрь. 10 азы размæ (2009) Дзæуджыхъæуы кадджын уавæры байгом историон комплекс. Дзæуджыхъæу «Хæстон намысы горæт» кæй у, уый æвдисæн стелæ. Байгом Уæлахизы парчы цур, Джызæлы фæзилæн зиллакмæ хæстæг.
31 октябрь. 55 азы размæ (1964) горæт Цхинвалы райгуырдис Республикæ Хуссар Ирыстоны дыккаг Президент Кокойты Эдуард Джабейы фырт.
Æрæмбырд сæ кодта
КЪУЕЗЕРТЫ Петр
Comments are closed, but trackbacks and pingbacks are open.