Цæгатирыстойнаг хæстон Плиты Георги (йæ фæсномыг «Доцент») Уæрæсейы Федерацийы Президент Владимир Путины барамындæй хорзæхджын æрцыд «За храбрость»-ы II къæпхæны майданæй Фыдыбæстæ æмæ паддзахадон интерестæ хъахъхъæнгæйæ, хæстон æмæ æндæр операцитæ æххæст кæныны рæстæджы равдисгæ æхсардзинад æмæ удуæлдайдзинады тыххæй.
***
Цæгатирыстойнаг хæстон Бигъаты Олег Сергийы фыртæн саккаг кодтой Республикæ Цæгат Ирыстон-Аланийы уæлдæр хорзæх – «Во славу Осетии»-йы майдан. Олег йе мбал Тедтоты Зауыримæ сæрмагонд æфсæддон операцийы зонæйы уыдысты ивгъуыд аз августы мæйæ фæстæмæ. Дыууæ хæлармæ дæр уый размæ нæ уыд хæстон фæлтæрддзинад. Алцæуыл дæр сахуыр сты бынаты. 58-æм æфсады сконды æнтыстджын куысты тыххæй дыууæ хъайтарæн саккаг кодтой «Во славу Осетии»-йы майдан. Афтæ ма бавдыст æрцыдысты Георгийы Дзуар, «За отвагу» æмæ Жуковы майдантæм. Интернет-хызæгты уайтагъд апарахат сты Запорожьейы здæхты Работинойы цур тохы кадртæ, цыран контрразмæбырсты рæстæджы нацистты сæхи бахъуыд фæстæмæ алæууын. Украинæйаг хæстонтæ бацахстой афтид акъоппытæ, фæлæ Уæрæсейы Гарзджын тыхты атакæ уыд æнтыстджын. Штурмонтæ Бигъаты Олег æмæ Тедтоты Зауыр сты, Украинæйы гарзджын тыхты æнæхъæн элитон къорд амынæты чи ракодтой, уыцы хæстонтæй. Стыр хъыгагæн, ацы бонты сæрмагонд æфсæддон операцийы зонæйы тохы рæстæджы фæмард Тедтоты Зауыр.
***
Цæгат Ирыстоны Комгæроны хъæуккаг хæстон Болататы Геннади хорзæхджын æрцыд «За службу на Кавказе II степени»-йы майданæй хæстон архайдтыты рæстæджы равдисгæ æхсардзинады тыххæй. Сæрмагонд æфсæддон операцийы зонæйы хайад исы æрдæг азæй фылдæр.
***
Хуссарирыстойнаг хæстон, горæт Къуайсайы цæрæг капитан Зассеты Сæрмæт Ибрагимы фыртæн саккаг кодтой Уæрæсейы Федерацийы паддзахадон хорзæх – 2-аг къæпхæны цирхъытимæ «За заслуги перед Отечеством»-ы ордены майданæй, сæрмагонд æфсæддон операцийы равдисгæ æхсардзинады тыххæй. Уый размæ та Зассеты Сæрмæт, Республикæ Хуссар Ирыстоны Президент Гаглойты Аланы барамындæй хорзæхджын æрцыд «Фыдыбæстæ хъахъхъæнæг»-ы майданæй, сæрмагонд æфсæддон операцийы зонæйы йе ‘фсæддон хæс æххæст кæныны рæстæджы равдисгæ хъæбатырдзинад æмæ лæгдзинады тыххæй.
***
Ирон хæстон Дзæгъиаты Азæмæт Георгийы фырт Украинæйы сæрмагонд æфсæддон операцийы равдисгæ хъæбатырдзинад æмæ расчетты дырысдзинады тыххæй хорзæхджын æрцыд УФ-йы Хъахъхъæнынады министрады майдан «За боевые отличия»-йæ. Афтæ ма хæстон архайдтыты рæстæджы йæ цардæн тæссаг уавæрты равдисгæ сгуыхтдзинад æмæ ныфсхастдзинады тыххæй, УФ-йы президент Владимир Путины барамындæй хорзæхджын æрцыд «За спасение погибавших»-ы майданæй.
***
Батальон «Шторм. Осетия»-йы взводы командиры хæдивæг Гаугаты Алан (йæ фæсномыг «Марокканец») сæрмагонд æфсæддон операцийы цæрæн пункт Жеребянкийы йæ разы æрæвæргæ хæстон хæстæ намысджынæй сæххæст кæныны тыххæй хорзæхджын æрцыд УФ-йы Хъахъхъæнынады министрады майданæй.
***
Цæгат Ирыстон-Аланийы Сунжæйы хъæуы цæрæг, хистæр лейтенант Хуыгаты Вадим Вильямы фырт Уæрæсейы Федерацийы хъахъхъæнынады министры барамындæй хорзæхджын æрцыд «За отвагу»-йы майданæй хæстон архайдтыты удуæлдайдзинад равдисыны тыххæй.
***
Батальон «Шторм.Осетия»-йы хæстон Тыджыты Сосланæн саккаг кодтой Жуковы майдан сæрмагонд æфсæддон операцийы хæстон архайдтыты рæстæджы йæ разылæууæг хæстон хæстæ хъæбатырæй сæххæст кæныны тыххæй.
***
Хуссарирыстойнаг хæстон Коцты Харитон Аликы фырт Уæрæсейы Федерацийы президент Владимир Путины барамындæй хорзæхджын æрцыд «200 лет Георгиевскому кресту»-йы риуылдарæн нысанæй. Ивгъуыд аз та йын РХИ-йы Президент Гаглойты Аланы барамындæй саккаг кодтой «Фыдыбæстæ хъахъхъæнæг»-ы майдан сæрмагонд æфсæддон операцийы йæ хæстон хæс æххæст кæныны рæстæджы равдисгæ æхсардзинад æмæ удуæлдайдзинады тыххæй.
***
Украинæйы хæстон архайдтыты рæстæджы равдисгæ хъæбатырдзинады тыххæй æфсæддон службæгæнæг, сæрмагонд æфсæддон операцийы хайадисæг Гаглойты Гæмæтæн саккаг кодтой «Во славу Осетии»-йы майдан.
***
РЦИ-Аланийы Заводы поселочы цæрæг, батальон «Шторм.Осетия»-йы хæстон Дудайты Тимур Феликсы фырт УФ-йы президенты Владимир Путины барамындæй хорзæхджын æрцыд Жуковы майданæй. Уый карз тохты рæстæджы фæцис уæззау цæф æмæ йæхицæн куы схос кодта, уæд та слæууыд йæ хæстон æмбæлтты рæнхъы æмæ тох кæны нацизмы ныхмæ.
Нæ уацх.
