УФ-йы президенты барамындæй Кокойты Мир Ибрагимы фырт хорзæхджын æрцыд Жуковы майданæй сæрмагонд æфсæддон операцийы æхсардзинад, удуæлдайдзинад æмæ хисæрмагонд хъæбатырдзинад равдисыны тыххæй. Мир у уæрæсейаг 4-æм æфсæддон базæйы æфсæддон службæгæнæг. Сæрмагонд æфсæддон операцийы зонæйы ис 2022 азы апрелы мæйæ фæстæмæ. Уый размæ та Кокойты Мир хорзæхджын æрцыд Уæрæсейы Федерацийы Хъахъхъæнынады министрады майдан «За боевые отличия»-йæ. Абон Мир нацистты ныхмæ кæм тох кæны, уым йæ дада дæр немыцаг фашистты ныхмæ хæцыд.
***
Хуссарирыстойнаг хæстон Тъехты Самсон Иналы фырт хорзæхджын æрцыд Жуковы майданæй сæрмагонд æфсæддон операцийы рæстæджы равдисгæ æхсардзинад, удуæлдайдзинад æмæ хисæрмагонд хъæбатырдзинады тыххæй. Самсон у 4-æм уæрæсейаг æфсæддон базæйы æфсæддон службæгæнæг. Сæрмагонд æфсæддон операцийы хайад исы хæстон архайдтыты райдианы бонæй фæстæмæ.
***
УФ-йы президент Владимир Путины барамындæй ирон хæстон Гæбæраты Сослан Алым-беджы фыртæн саккаг кодтой Жуковы майдан сæрмагонд æфсæддон операцийы рæстæджы хъæбатырдзинад кæй равдыста, уый тыххæй.
***
Цæгат Ирыстон-Аланийы Сæргълæууæг Сергей Меняйло «Слава Осетии»-йы орден радта бархион батальон «Алани»-йы командир Остъаты Русланæн. Республикæйы уæлдæр хорзæх æфсæддон службæгæнæгæн саккаг кодтой сæрмагонд æфсæддон операцийы равдисгæ хъæбатырдзинады тыххæй. Сергей Меняйло раарфæ кодта хæстонæн йæ профессионалон хæсыл æнувыддзинады тыххæй. Уый банысан кодта, зæгъгæ, æфсæддон службæгæнджыты иумæйаг тыхтæй, æнгом архайдтыты æмæ æхсар-зинады фæрцы æнтыстджынæй æххæст цæуынц æппæт хæстæ дæр.
***
Ирыстойнаг хæстон Зассеты Олег Аликы фырт УФ-йы презденты барамындæй хорзæхджын æрцыд Суворовы майданæй, Фыдыбæстæ æмæ Уæрæсейы Федерацийы паддзахадон интерестæ хъахъхъæнгæйæ, хæстон архайдтыты рæстæджы равдисгæ æхсардзинады тыххæй.
***
Медицинон службæйы капитан Битарты Артур Никъалайы фырт УФ-йы президенты барамындæй хорзæхджын æрцыд Хъæбатырдзинады орденæй Украинæйы уагъдцæуæг сæрмагонд æфсæддон операцийы йе ‘фсæддон хæс æххæст кæныны рæстæджы æхсардзинад æмæ удуæлдайдзинад кæй равдыста, уый тыххæй. 2022 азы декабры мæйы та Битарты Артурæн радтой «За спасение погибавших»-ы майдан. Каст фæцис Цæгат Ирыстоны паддзахадон медицинон академи. Куыста Тагъд æххуысы клиникон рынчындоны травмотологон хайады. 2015 азы ацыд кусынмæ Цæцæнмæ. Æртæ азы фæстæ рахызт 58-æм иумæйагæфсæддон æфсадмæ æмæ фæстæмæ æрыздæхт Цæгат Ирыстонмæ.
***
Ирыстойнаг хæстон Гæджиты Валери Мухраны фырт УФ-йы президенты барамындæй хорзæхджын æрцыд 2-аг къæпхæны «Хъæбатырдзинады» майданæй Украинæйы хæстон архайдтыты рæстæджы равдисгæ æхсардзинад, удуæлдайдзинад æмæ хисæрмагонд хъæбатырдзинады тыххæй.
***
Батальон «Шторм»-ы хæстон Тедеты Павелæн саккаг кодтой «За храбрость»-ы 2-аг къæпхæны майдан йе ‘фсæддон хæсыл æнувыддзинады æмæ æхсардзинад равдисыны тыххæй.
***
Хуссарирыстойнаг хæстон Тедеты Сослан намысджын службæйы æмæ йе ‘фсæддон хæсыл æнувыддзинады тыххæй УФ-йы президенты барамындæй хорзæхджын æрцыд Жуковы майданæй. Сæрмагонд æфсæддон операцийы хайад исы фыццаг бонтæй фæстæмæ.
***
Ирыстойнаг хæстон Габиты Геннади Нугзары фырт Уæрæсейы Федерацийы хъахъхъæнынады министры барамындæй хорзæхджын æрцыд «За спасение погибавших»-ы майданæй.
***
Цæгат Ирыстон-Аланийы Сунжæйы хъæуккаг Челдыты Алан Æхсарбеджы фырт УФ-йы пре-зидент Владимир Путины барамындæй хорзæхджын æрцыд Жуковы майданæй хæстон архайдтыты рæстæджы равдисгæ хъæбатырдзинады тыххæй.
***
Уалыты Алексей Юрийы фыртæн УФ-йы президенты барамындæй саккаг кодтой Жуковы майдан сæрмагонд æфсæддон операцийы хæстон архайдтыты рæстæджы æхсардзинад, удуæлдайдзинад æмæ хисæрмагонд хъæбатырдзинад кæй равдыста, уый тыххæй.
***
Уæрæсейы Федерацийы Гарзджын тыхты æфсæддон службæгæнæг Гæбæраты Алексей хорзæхджын æрцыд «Во славу Осетии»-йы майданæй сæрмагонд æфсæддон операцийы йе ‘фсæддон хæс намысджынæй кæй æххæст кæны, уый тыххæй. Цæгат Ирыстон-Аланийы Сæргълæууæг Сергей Меняйло сæрмагондæй раарфæ кодта Алексейæн, хæстоны хъæбатырдзинад, службæмæ бæрнон ахаст, банысан кæнгæйæ. Йæ зæрдæ йын загъта æнæниздзинад æмæ дарддæры æнтыстытæ.
***
Ирыстойнаг хæстон, хистæр лейтенант Музиаты Аслан Ирбеджы фыртæн УФ-йы президенты барамындæй саккаг кодтой Жуковы майдан сæрмагонд æфсæддон операцийы æхсардзинад æмæ удуæлдайдзинад кæй равдыста, уый тыххæй.
***
Майор Плиты Алан Алешы фырт хорзæхджын æрцыд Суворовы майданæй сæрмагонд æфсæддон операцийы хæстон архайдтыты рæстæджы равдисгæ сгуыхтдзинæдты тыххæй.
Нæ уацх.
