Уæлахизы боны официалон символ, Георгиаг лентæйы фæзынды истори цымыдисон у. Фыццаг хатт дзы спайда кодта Екатерина Дыккаг. Уый хуызджын лентæ лæвæрдта æнувыд салдæттæн хорзæхы хуызы.
1965 азы 9-æм майæ райдайгæйæ æрвылаз нысан цæуы Стыр Уæлахизы Бон Æфсæддон парадтимæ. «Георгийы ленточкæ»-йы акцийы фæлгæтты апрелы мæйы адæмæн байуарынц Уæлахизы символтæ – Георгийы ленточкæтæ. Акцийы нысаниуæг хуымæтæг у, бæрæгбоны цытæн ленточкæты фæхъæуы хызынтæ, уæлæдарæсы дыстыл, машинæты æвгтыл бакæнын. Бирæтæ йæ нысаниуæг нæ фембарынц.
Георгийы лентæйыл фидар кодтой хорзæхтæ, ома, ордентæ æмæ майдантæ. Уый æдтейæ ма уый кæддæр уыд иуæй-иу æфсæддон нысæнтты хицæндзинады нысан дæр.
Фыццаг хатт Георгиаг лентæ фæзынд 1769 азы Георгийы Орденимæ. Цымыдисон у, уый дæр, æмæ лентæйы хуызты тыххæй кæй уыдис бирæ быцæудзинæдтæ. Уæрæсейы информацион агентад «Новости»-йы проект «Наша Победа»-йы бæрæггæнæнтæм гæсгæ 1833 азы граф Литта фыста, зæгъгæ, лентæ иу кæны топпыхосы æмæ зынджы хуызтæ. Ацы сайты бæрæггæнæнтæм гæсгæ, уырыссаг афицер Серж Андоленко ацы хъуыдыимæ разы нæу: «Æцæгæй ордены хуызтæ паддзахадон систы, сыгъзæрин фоныл уæрæсейаг националон герб дыууæсæрон цæргæс куы ссис, уыцы рæстæджытæй фæстæмæ». Æндæр зонæнтæм гæсгæ та йæ æмбарын хъæуы куыд фæздæг æмæ зынджы хуыз, афтæ.
Куыд фæнды ма уа, уæддæр Георги Уæлахиздзауы тыххæй паддзахы Уæрæсейы рæстæджы ленточкæ фæзынд æмæ æрфидар ис историйы. Ныртæккæ ссис 9-æм майы Уæлахизы боны традицион хуыз. Сыгъдæг Георгиаг орден лæвæрд цыд хæсты быдыры конкретон сгуыхтдзинæдты кæнæ уæлахизхæссæг бадзырдтæ радтыны тыххæй.
Советон рæстæджы дæр Георгиаг лентæ бацахста кадджын бынат æфсæддон нысæнтты ‘хсæн. 1943 азы 8-æм ноябры уый ссис Кады Ордены æртæ къæпхæны хай. Георгиаг ленточкæ у Уæрæсейы символтæй сæ иу. Ацы акци Уæрæсейы нымад æрцыд иууыл масштабондæр патриотон акцийыл. Георгиаг лентæйæн ис кадджын истори æмæ уымæ гæсгæ йæ хуызтæ сты Стыр Уæлахизы символ. Георгийы лентæйы акцийы бирæ адæм райсы хайад куыд Уæрæсейы, афтæ Хуссар Ирыстоны дæр.
