Римы Сыгъдæг Цецилийы национ академийы цытджын æгъдауæй байгом уæрæсейаг культурæйы дыккаг фестиваль «Уырыссаг сезонтæ». Фестиваль байгом Гергиты Валерийы разамындæй Санкт-Петербурджы Марияйы театры симфонион оркестры концертæй.

Оркестр сæххæст кодта Петр Чайковскийы фыццаг æмæ æхсæзæм симфонитæ. Фестиваль гом кæныны цытджын церемонийы хайадисджытæ уыдысты УФ-йы Хицауады вице-премьер Ольга Голодец æмæ Италийы Министрты Советы статс-секретарь Елена Боски.

Голодец æмæ Боски банысан кодтой Уæрæсе æмæ Италийы рагон культурон бастдзинæдтæ. Афтæ ма загътой, ацы къабазы æмархайды дарддæры рæзты æнæмæнгхъæуындзинады тыххæй дæр.

«Уырыссаг сезонты» фæлгæтты 40 италиаг горæты ацы аз уагъд æрцæудзысты стыр театры, Мæскуыйы филармонийы симфонион оркестры гастролтæ, уыдзысты равдыстытæ Эрмитажы коллекцийæ, уагъд ма æрцæудзысты æндæр мадзæлттæ дæр.

Масштабон проекты фæлгæтты план цæуынц уæрæсейаг кинонывтæ равдисын, уæрæсейаг музейты равдыстытæ, циркы ралæудтытæ æмæ æндæр мадзæлттæ ауадзын.

Зæрдыл лæууын кæнæм, ивгъуыд аз «Уырыссаг сезонтæ» Японийы кæй фесты Гергиты валерийы разамындæй Марияйы театры симфонион оркестры концертæй. Азы дæргъы 42 япойнаг горæты ауагъд æрцыдысты 250 мадзалы, кæцыты хайад истой зындгонд уæрæсейаг коллективтæ.

Comments are closed, but trackbacks and pingbacks are open.