Райдыдта кавказаг æхсæнадæмон фыццаг фестиваль «Мариинский-Валдикавказ». Уый уагъд цæуы Санкт-Петербурджы Марияйы театры аивадон разамонæг æмæ генералон директор Гергиты Валерийы хъусдарды бын. Фестиваль байгом кæныны цытджын мадзалы Гергиты Валерийы фæхуындмæ гæсгæ хайад райстой Республикæ Хуссар Ирыстоны Президент Бибылты Анатоли æмæ Уæрæсейы Федерацийы Республикæ Хуссар Ирыстоны Уæлвæткон æмæ Æххæстбарджын минæвар Гасситы Знауыр.

УФ-йы РХИ-йы Минæварады сайт куыд хъусын кæны, афтæмæй фестиваль байгом Марияйы театры симфонион оркестры концертæй номдзыд пианист Денис Мацуевы хайадистимæ, афтæ ма æрыгон æмæ курдиатджын инструменталисттæ, уыцы нымæцы Цхуырбаты Анастасия, Римский-Корсаковы номыл Санкт-Петербурджы музыкалон ахуыргæнæндоны фортепианойы хайады 2-аг курсы ахуырдзау æмæ Цхинвалы музыкалон ахуыргæнæндоны ахуырдзау Ходты Арсен. Цхуырбаты чызг сæххæст кодта пьесæ «Меркуцио» Сергей Прокофьевы балет «Ромео и Джульетта»-йæ, Ходты лæппу та æрыгон музыканттæн кæронбæттæны ирон фæндырыл сæххæст кодта Лекты Таймуразы уамыс «Ирон лирикон».

Маэстро Гергиты Валери фестивалы æрыгон хайадисджытæн загъта сфæлдыстадон æнтыстыты фæндиæгтæ æмæ банысан кодта, зæгъгæ сывæллæттæ ахæм фестивалты аккаг сты æмæ иумæйаг хъарутæй ахæм культурон проекттæ уадзын хъæуы.

29-æм сентябры Дзæуджыхъæуы Марияйы театры филиалы уагъдцæуæг фестивалы номхыгъды ма сты РЦИ-Аланийы Паддзахадон академион филармони æмæ РЦИ-Аланийы Националон паддзахадон оперæ æмæ балеты театр, байхъусæн уыдзæн дунеон стъалыты диссаджы хъæлæстæм. Афтæ ма фестивалы хайад райсдзысты Марияйы театры солисттæ, уыцы нымæцы Гергиты Ларисæ кæмæн разамынад кæны, уыцы Æрыгон оперон зарæг-гæнджыты академийы солисттæм.

Фестиваль фæуыдзæн балетон изæртæй.

Comments are closed, but trackbacks and pingbacks are open.