Республикæ Хуссар Ирыстоны Хицауады Сæрдар Пухаты Эрик фембæлд зынгæ уæрæсейаг дохтыртæ, афтæ ма паддзахадон архайджыты къордимæ, кæцытæ хайад райстой 1-æм Хуссарирыстойнаг-Уæрсæсейаг медико-социалон реабилитацийы фарстаты фæдыл симпозиумы.
Уазджытæн раарфæ кæнгæйæ, Хицауады Сæрдар банысан кодта мадзал рæстæгыл ауадзыны ахсджиагдзинад.
«Фæстаг азты республикæйы медицинон кластер активонæй рæзы, Уæрæсейы фæрцы арæзт æрцыдысты нырыккон хосгæнæн-профилактикон бæстыхæйттæ, кæцыты хъæуы байдзаг кæнын хъæуæг мидисæй. Симпозиум ауадзын у ахсджиаг къахдзæф фыдыбæстæйон æнæниздзинад хъахъхъæнын райрæзын кæныны хъуыддаджы, уæлдайдæр уыцы хайы, кæцыйы архайынц инвалидты реабилитацийы фарстатыл. Ныфс мæ ис, медицинон форумы куысты фæстиуджытæ нын кæй баххуыс кæндзысты цæрджыты æнæниздзинады бирæ фарстатæ скъуыддзаг кæныны хъуыддаджы, кæцыйы бæрæг хайы хъæуы психоэмоционалон æххуыс».
Пухаты Эрикы ма симпозиумы архайджытæн йæ цæст бауарзта æнтыстджын куыст æмæ цымыдисонæй рахæсгæ фæндæттæ, кæцытæ суыдзысты инвалидты медико-социалон реабилитацийы фыдыбæстæйон системæйы дарддæры рæзыны бындур.
Уазджытæ дæр ныфс бавæрдтой Хицауады Сæрдарæн, зæгъгæ, æппæт сæ фæлтæрддзинад æмæ сæ зонындзинæдтæй спайда кæндзысты хуссарирыстойнаг медиктимæ иумæйаг æнтыстджын куысты сæраппонд.
Фембæлды хайад райстой УФ-йы Федерацийы Советы социалон политикæйы комитеты аппараты къухдариуæггæнæг Игорь Михалев, æхсæнадон æнæниздзинад æмæ æнæниздзинад хъахъхъæныны, медико-социалон экспертизæ æмæ инвалидты, рынчынты реабилитацийы фæдыл зынгæдæр ахуыргæндтæй сæ иу, Уæрæсейаг зонæдты академийы академик Сергей Пузин, Сеченовы номыл фыццаг Мæскуыйаг паддзахадон медицинон университеты спортивон медицинæ æмæ медицинон реабилитацийы кафедрæйы сæргълæууæг Евгений Ачкасов, афтæ ма РХИ-йы Æнæниздзинад хъахъхъæныны æмæ социалон рæзты министр Тотчиты Георгий æмæ йæ уынаффæгæнæг Игорь Галь.
РХИ-йы Хицауады
пресс-службæ
Comments are closed, but trackbacks and pingbacks are open.