Уæрæсе æмæ Хуссар Ирыстоны ‘хсæн Евразиаг экономикон цæдисы тарифтæм Республикæ Хуссар Ирыстоны рахызты фæткы æмæ Уæрæсе цы таможнæйон пошлинæтæй пайда кæны, уыцы ставкæтæ райсыны фæткы тыххæй суагъæ Хуссар Ирыстоны Парламент кæй сратификаци кодта, уый фæдыл Уæрæсейы Федерацийы экономикон рæзты министры хæдивæг Дмитрий Вольвач йæ комментарийы радзырдта иумæйаг фæткойтæ æмæ стандартты пайдайы тыххæй.
«Таможнæйон фадыджы интеграцион процесстæ дарддæр цæуынц Уæрæсейы æмæ Хуссар Ирыстоны 2016 азæй. Уæдæй фæстæмæ нæ бæстæты ‘хсæн арæзт æрцыд Æмцæдисад æмæ интеграцийы тыххæй бадзырд. Евразиаг экономикон цæдисы Иумæйаг таможнæйон тарифы ставкæтæй пайда кæнынмæ Хуссар Ирыстоны рахызт суыдзæн дыууæ бæстæйы таможнæйон органты интеграцийы иумæйаг планты реализацийы кæронбæттæн этап», – банысан кодта Вольвач.
Йæ ныхæстæм гæсгæ, иумæйаг фæткойтæй æмæ стандарттæй таможнæйон хъуыддаджы (администрированийы) пайда кæныны руаджы фæкъаддæр уыдзæн, экспорт æмæ импорты товарты бизнесыл цы уæз ис, уый. Сфидардæр кæндзæн Уæрæсе æмæ Хуссар Ирыстоны ‘хсæн иумæйаг социалон-экономикон тыгъдад. Иууыл сæйрагдæр та у уый, æмæ Уæрæсе æмæ Хуссар Ирыстоны бизнес кæныны уавæртæ кæрæдзимæ феввахсдæр уыдзысты.
ТЕДЕТЫ Индирæ
