Хицауады Сæрдар Джуссойты Константин комментари сарæзта Республикæ Хуссар Ирыстоны Президент Гаглойты Алан æмæ Уæрæсейы Федерацийы Президент Владимир Путины фембæлдæн, кæцы уыд 16 марты Мæскуыйы.
Хицауады сæргълæууæг банысан кодта, зæгъгæ, уæлдæр æмвæзады фембæлд фенын кодта дыууæ бæстæйы цæттæдзинад хæларадон, партнерон ахастытæ дарддæр уæрæхдæр æмæ фидардæр кæнынмæ, интеграцион процесстæ арфдæр æмæ базарадон-экономикон æмгуысткæнынадмæ.
«Мæн уырны, Гаглойты Алан æмæ Владимир Путины фембæлд ног импульс кæй ратдзæн дыууæфарсон ахастытæн æрмæст æддагполитикон здæхты нæ, фæлæ ма кæй ахъаз кæндзæн Республикæ Хуссар Ирыстоны дарддæры социалон-экономикон рæзтæн.
Дыууæ лидеры диалогы контекстыл бындуриуæг кæнгæйæ, фидарæй зæгъæн ис, республикæйæн æххуысы ахæм ахсджиаг программæтæм, куыд Инвестпрограммæ, социалон-экономикон рæзты программæ, Хуссар Ирыстонæн финансон æмæ кредитон æххуысмæ сæрмагонд хъусдард здæхт кæй цæудзæн æмæ сæ реализаци кæй адарддæр уыдзæн фæтагъддæргонд темпты.
Сæрмагондæй банысан кæнын хъæуы, Уæрæсейы ‘рдыгæй фарс кæй æмбары республикæйы дарддæры газификацийы фарст аскъуыддзаг кæныны ахсджиагдзинад, кæцыимæ баст у ахæм приоритетон къабæзты, куыд хъæууон хæдзарад, сæудæджерад, туризм, инвестицион политикæ æмæ æндæрты рæзты фæдыл социалон-экономикон хæсты æнæхъæн комплекс», – загъта Джуссойты Константин.
Comments are closed, but trackbacks and pingbacks are open.