Фæндагон змæлды æдасдзинады инспекцийыл 86 азы кæй сæххæст, уый фæдыл сын арæзт æрцыд цытджын мадзал управленийы кæрты. Сæ профессионалон бæрæгбон Паддзахадон автоинспекци фæнысан кæнынц 3 июлы, фæлæ ацы аз хуыцаубонмæ, улæфты бонмæ кæй æрхауд, уый тыххæй мадзал сарæзтой къуырисæры. Ардæм сæм арфæ кæнынмæ фæуазæг сты Мидхъуыддæгты министрады къухдариуæгады минæвæрттæ министры хæдивæг Лалыты Геннадийы сæргълæудæй.
Автоинспекцийы кусджытæн рæнхъон ралæуды рæстæджы арфæйы ныхæстæ загъта управленийы сæргълæууæг Джиоты Алан, кæцыйы зæрдиагæй бафæндыд, цæмæй инспектортæ уой æнæниз æмæ æнтыстджын сæ царды æмæ сæ службæйы.
Арфæйы ныхæстæ ма сын загъта Лалыты Геннади дæр, банысан кодта, зæгъгæ ацы управленийæн йæ куыст у нысанмæздæхт республикæйы фæндæгтыл æдасдзинад бахъахъхъæнынмæ.
«Мæн фидарæй уырны, дарддæр дæр уæ службæйон хæстæ кæй æххæст кæндзыстут цæсгомджынæй æмæ уæ æнтыстджын куысты фæстиуæгæн нæ республикæйы фæндæгтыл азæй-азмæ кæй къаддæр кæндзысты фæндагон-транспортон цаутæ», – загъта Лалыты Геннади.
Кæронбæттæны автоинспекцийы хуыздæр кусджыты схорзæхджын кодтой ведомствойон хорзæхтæй.
Нæ уацх.
Comments are closed, but trackbacks and pingbacks are open.