Бакæнгæ куысты фæстиуджытæ

Фӕстиуджытӕ арӕзт ӕрцыд, Цхинвалы районы хӕдзарадтӕ цы куыст бакодтой, уыдонӕн. Статистикон хайады фӕстаг зонӕнтӕй куыд бӕрӕг у, афтӕмӕй хӕдзарадтӕ фӕззыгӕнд мӕнӕу ӕдӕппӕт байтыдтой 89 гектары, уыцы нымӕцы «Алан»-ы фермерон хӕдзарад – 30 га, «Цъунар» Бибылы фырт – 10 га, «Аз» – 5 ӕмӕ Къостайыхъӕуы паддзахадон хӕдзарадтӕ та – 44 га. Алы хӕдзарад дӕр бафснайдта йӕ тыллӕг. Ӕдӕппӕт банай кодтой 314 центнеры, уыцы нымӕцы Къостайыхъӕуы арендатортӕ – 220 ц, «Алан» – 60 ц ӕмӕ ӕндӕртӕ. Хъӕбӕрхор байтыдтой «Тъбет», «Фат», «Аз», «Икъорта», «Ӕндидзынад» ӕмӕ «Цъунар» Бибылы фырты хӕ-дзарадтӕ ӕмӕ ацы культурӕйӕн йӕ иумиаг фӕзуат уыд 77 га. Уый дӕр иууылдӕр ӕфснайд ӕрцыд. «Фат» дзы банай кодта 11 ц, «Икъорта» – 100 ц ӕмӕ иннӕ хӕдзарадтӕ та фӕйнӕ 120 ц. Нартхор байтыдта ӕрмӕстдӕр «Икъорта»-йы хӕдзарад 15 га ӕмӕ йӕ иууылдӕр бабӕстон кодта, райста дзы 50 ц. Сысджы «Тъбет»-ы хӕдзарад байтыдта 33 га, «Сӕуӕхсид»-ы фермерон хӕдзарад – 11 га, «Аз»-7 га ӕмӕ 4 га та «Цъунар» – Бибылы хӕдзарад. Таугӕ кӕрдӕг люцернӕ тыд ис фӕй-нӕ 10 га. «Икъорта» ӕмӕ «Сӕуӕхсид» – Ирыхъӕуӕн, 5 га байтыдта арендатор Зӕгъойты А., «Тын» – 4 га ӕмӕ ӕндӕртӕ, эспарцет та районы цыппар хӕдзарады иууыл иумӕ байтыдтой 20 гектары.

ФОСДАРДЫ КЪАБАЗ

Фосдарды куыст кӕнынц 10 хӕдзарады ӕмӕ се стурты нымӕц ӕдӕппӕт у 263. Фылдӕр стуртӕ чи дары, уыдоны нымӕцы сты «Арцеу»-ы фермерон хӕдзарад – 103, уыцы нымӕцы хъуццытӕ та сты 44, «Тъбет» – 52, хъуццытӕ та сты 37, «Алан» – 38, уыцы нымӕцы хъуццытӕ та сты 32, «Тын»-мӕ ис 20 стуры ӕмӕ се ‘ппӕт дӕр сты хъуццытӕ, «Цъунар – 17, уыцы нымӕцы хъуццытӕ та сты 11. Лыстӕг фос чи дары, уыцы хӕдзарад у «Алан» ӕмӕ сӕ нымӕц у 200. Ацы хӕдзарадмӕ ма бӕхтӕ ис 6, мӕргътӕ та – 50. Фӕйнӕ бӕхы дарынц «Цъунар» ӕмӕ «Фат». Хӕдзарадты родты нымӕц у 56, уыцы нымӕцы «Тын»-мӕ ис 25, «Алан»-ы – 11, «Арцеу» – 10 ӕмӕ ӕндӕртӕ.

ХУЫБИАТЫ Никъала