Бакæнгæ куысты фæстиуджытæ

Фӕстиуджытӕ арӕзт ӕрцыд, Цхинвалы районы фермерон хӕдзарадты   куыстæн. Районы статистикон хайады фӕстаг зонӕнтӕй куыд бӕрӕг у, афтӕмӕй хӕдзарадтӕ фӕззыгӕнд мӕнӕу ӕдӕппӕт байтыдтой 64 гектары ӕмӕ уыцы фӕзуат иууылдӕр бафснайдтой. Хицӕнтӕй сисгӕйӕ, зӕхкусӕгон-фермерон хӕдзарад «Алан» ӕдӕппӕт байтыдта 20 гектары ӕмӕ йӕ иууылдӕр ӕркарста, арендатор Бибылты В. байтыдта 14 гектары, «Тъбет»- 10 гектары, фӕйнӕ 5 гектары байтыдтой Къостайыхъӕуы паддзахадон хӕдзарад «Аз»-ы арендатортӕ ӕмӕ афтӕ дарддӕр. Ӕдӕппӕт най та бакодтой 352 центнеры. Хъӕбӕрхоры культурӕ район ӕдӕппӕт байтыдта 145 гектары ӕмӕ иууылдӕр ӕфснайд ӕрцыд. Къостайыхъӕуы арендатортӕ байтыдтой 109 гектары, «Тъбет»-ы хӕдзарад 10 гектары ӕмӕ афтӕ дарддӕр. Ацы хойрагон культурӕйӕ хӕдзарадтӕ иууыл иумӕ банай кодтой 1822 центнеры. Сысджы байтыдтой ахӕм хӕдзарадтӕ: «Тъбет»-35 гектары, Къостайыхъӕуы арендатортӕ- 20 гектары, «Сӕуӕхсид» Ӕлборы фырт-11 гектары, фӕйнӕ 10 гектары та «Аз», «Тын» ӕмӕ а.д.

Ивгъуыд азты люцернӕ байтыдтой ахӕм хӕдзарадтӕ, куыд «Икъорта» ӕмӕ «Рассвет» – Ирыхъӕу фӕйнӕ 10 гектары, «Тын»-4 гектары ӕмӕ «Виктория» та 1,5 гектары. Эспарцет районы хӕдзарадтӕ иууыл иумӕ байтыдтой 39 гектары, уыцы нымӕцы «Ӕндидзынад»-23 гектары, Зӕгъойты Г.  10 гектары, фӕйнӕ 3 гектары та «Сӕуӕхсид» Ӕлборты А. ӕмӕ «Аз».

 

ФОСДАРД

Районы фосдарды куыст кӕнынц 11 хӕдзарады ӕмӕ сӕ нымӕц у 266, уыцы нымӕцы хъуыццытӕ та сты 150.  Иууыл фылдӕр стуртӕ дарынц «Арцеу»-ы хӕдзарад-104, уыцы нымӕцы хъуццытӕ та 44, «Алан»-35, уыцы нымӕцы хъуццытӕ та сты 32, фӕйнӕ 26 стуры ис «Тъбет» ӕмӕ «Цъунар» Лохы фырты хӕдзарадты, хъуццытӕ та 8 ӕмӕ 9, «Фат» дары 22, «Тын» -20 стуры ӕмӕ а.д. Родтӕ уал иууыл иумӕ хъомыл кӕнынц 53, уыцы нымӕцы «Алан»-ы 15, «Арцеу»-ы 10, «Тъбет»-ы- 8, «Цъунар»-ы 7, фӕйнӕ фондз «Виктория» ӕмӕ «Сидук» ӕмӕ а.д. Ӕхсызгон у, лыстӕг фос кӕй дары «Алан»-ы хӕдзарад ӕмӕ сӕ нымӕц хӕццӕ кӕны 250 фысы онг, уӕрыччытӕ та йӕм ис 150. Мӕргъты нымӕц та ацы хӕдзарады нымадӕуы 120, «Виктория»-мӕ та ис 27, бӕхтӕ «Алан»-мӕ ис 6, «Сидук»-ы 2, фӕйнӕ та «Цъунар» ӕмӕ «Фат»-ы.

Хуыбиаты Никъала