Фӕстиуджытӕ арӕзт ӕрцыд, Цхинвалы районы фермерон хӕдзарадтӕ фыццӕгӕм октябрмӕ цы куыст бакодтой, уымӕн. Райадминистрацийы статистикон хайады зонӕнтӕй куыд бӕрӕг у, афтӕмӕй районы нымадӕуы 12 хӕдзарады ӕмӕ се стурты нымӕц у 268, уыцы нымӕцы хъуццытӕ сты 159. Хицӕнтӕй сисгӕйӕ, иу-уыл фылдӕр стуртӕ дары «Арцеу»-ы хӕдзарад 99 стуры, уыдонæй хъуццытӕ сты 44. «Алан»-мӕ ис 38 сæры, уыдонӕй хъуццытӕ сты 32, «Тъбет»-ы- 35, уыцы нымӕцы хъуццытӕ та сты 18, «Тын»-мӕ нымадӕуы 20 стуры ӕмӕ се ппӕт дӕр сты хъуццытӕ, фӕй-нӕ 19 стуры дарынц «Цъунар» ӕмӕ «Цъунар – Лохы фырт». Хъыгагӕн, сӕ фосы нымӕц тынг фӕкъаддӕр фермерон хӕдзарадтæ «Аз» ӕмӕ «Фӕл-лой»-ӕн – дарынц ӕрмӕстдӕр фӕйнӕ дыууӕ хъуджы. Районы хӕдзарадты ӕдӕппӕт родтӕ ис 44, уыцы нымӕцы «Алан»-ы 11, «Арцеу»-ы – 6, «Цъунар – Лохы фыртмӕ» – 4 ӕмӕ ӕндӕртӕ. Районы ис, лыстӕг фосы куыст чи кӕны, иунӕг ахӕм хӕдзарад- «Алан» ӕмӕ йӕ фыстӕ ӕмӕ сӕгъты нымӕц хӕццӕ кӕны 200, уыцы нымӕцы уӕрыччытӕ сты 50. Районы ис, кӕсаджы куыст чи кӕны, ахӕм хӕдзарад «Форель» дæр ӕмӕ йӕ кӕсӕгты нымӕц у 5000.

СÆ ФÆЗЗЫГОН НАЙ

Ацӕугӕ аз районы хӕдза-радтӕ фӕззыгӕнд мӕнӕу ӕдӕппӕт байтыдтой 89 га., уыцы нымӕцы Къостайыхъӕуы паддзахадон хӕдзарады арендатор 44 га., «Алан»-30 га., «Цъунар – Бибылы фырт – 10 га. «Аз» та – 5 га. ӕмӕ сӕ се ‘ппӕт дӕр бафснайдтой. Къостайыхъӕуы арендатор банай кодта 220 ц, ома гектарӕй райста 15 центнеры, «Алан» банай кодта 60 ц, «Цъунар» Бибылы фырт- 22 центнеры. Хъӕбӕрхор ӕдӕппӕт тыд ӕрцыд 77 гектары, уыцы нымӕцы «Икъорта» байтыдта 30 га, фӕйнӕ 10 га «Тъбет», «Фат», «Ӕндидзынад» ӕмӕ «Цъунар – Бибылы фырт», се ‘ппӕт дӕр ӕфснайд ӕрцыдысты ӕмӕ иууыл иумӕ найгонд та ӕрцыд 591 центнеры. Нартхоры культурӕ 15 гектары фӕзуатыл байтыдта «Икъорта»-йы хӕдзарад, фӕлӕ тыллӕг цас ӕркодта, уый зонӕнты нӕй. Сысджы «Тъбет» байтыдта 33 га., «Сӕуӕхсид» Ӕлборы фырт – 11 га., «Аз» – 7 га. ӕмӕ «Цъунар» Бибылы фырт та 4 га. Ивгъуыд азты люцернӕ иууыл иумӕ районы тыд ӕрцыд 30,5 га, уыцы нымӕцы «Икъорта» ӕмӕ «Рассвет» Ирыхъӕуы фӕйнӕ 10 га., арендатор Зӕгъойты А.- 5 га, «Тын» – 4 га ӕмӕ ӕнд. Эспарцет арендатор Зӕгъойты А. байтыдта 10 га., «Виктория»-4 га., фӕйнӕ ӕртӕ гектары та «Сӕуӕхсид – Ӕлборты А.» ӕмӕ «Аз». 

Хуыбиаты Никъала

Comments are closed, but trackbacks and pingbacks are open.