Фӕстиуджытӕ арӕзт ӕрцыд, Цхинвалы районы хӕдзарадты зӕхкусджытӕ ӕмӕ фосдарджытӕ цы куыст бакодтой, уыдонӕн. Статистикон хайады фӕстаг зонӕнтӕй куыд бӕрӕг у, афтӕмӕй фӕззыгӕнд мӕнӕу районы байтыдтой 94 гектары, уыцы нымӕцы Къостайыхъӕуы паддзахадон хӕдзарад ацы культурӕ байтыдта 11 гектары фӕзуатыл, фӕйнӕ 20 га байтауын та бантыст зӕхкусæгон фермерон хӕдзарадтӕ «Цъунар» Бибылы фырт ӕмӕ «Тын»-ӕн, фӕйнӕ 10 га байтыдтой арендатор Бибылты В., фермерон хӕдзарадтӕ «Алан», «Аз» ӕмӕ ӕндӕртӕ. Хъӕбӕрхоры культурӕ байтыдтой ӕрмӕстдӕр дыууӕ хӕдзарады – «Ӕндидзынад» – 10 га ӕмӕ «Аз» та – 6 гектары. Ацы хӕдзарад ма сысджы дӕр байтыдта 8 га. Районы иуӕй-иу хӕдзарадтӕ ацӕугӕ азты байтыдтой таугӕ кӕрдӕджытӕ люцернӕ ӕмӕ эспарцет дӕр, уыдон та ахъаз сты фосӕн ӕфсӕст зымӕгиуат сифтонг кӕнынӕн. Цӕвиттон, люцернӕ тыд ис 6 хӕдзарадӕн ӕмӕ йæ иумиаг фӕзуат ахсы 29,5 гектары. Ацы холлагон культурӕ иууыл фылдӕр байтыдта «Икъорта»-йы хӕдзарад – 10 га. Эспарцет тауыны куыст та кӕнынц 4 хӕдзарады ӕмӕ сӕм ӕдӕппӕт тыд ис 35 га, уыцы нымӕцы «Ӕндидзынад»-ы – 23 га, фермерон хӕдзарад «Сӕуӕхсид»-ы – 4 га ӕмӕ ӕндӕртӕ.
ФОСДАРДЫ КЪАБАЗЫ
Стурвосдарды куыст чи кӕны, уыцы хӕдзарадты нымӕц районы у 13 ӕмӕ сӕм иууыл иумӕ нымадæуы 374 сæры, уыцы нымӕцы хъуццытæ сты 222. Хицӕнтӕй сисгӕйӕ, фылдӕр стуртӕ чи дарынц, уыцы раззагон хӕдзарадтӕм хауынц ахӕмтӕ, куыд «Арцеу» – 84, уыцы нымӕцы хъуццытӕ сты 44, «Тын»-ы хӕдзарад дары 83 стуры, хъуццыты нымӕц та сӕм у 70, «Алан»-ы фосдарджытӕ зилынц 60 стурмӕ, уыцы нымӕцы хъуццытӕ сты 30, «Цъунар» – Лохы фырт – 32, уыцы нымӕцы хъуццытӕ – 15 ӕмӕ афтӕ дарддӕр. Районы ис ӕрмӕстдӕр иу зӕхкусӕгон фермерон хӕдзарад, кӕцы кӕны фысдарды куыст дӕр ӕмӕ зӕрдиагӕй архайы сӕ нымӕц сын фылдӕр кӕныныл. Уый та у «Алан»-ы хӕдзарад, абоны онг уал ӕм нымадӕуы 1000 фысы. Ацы хӕдзарады ма ӕнтысгӕйӕ цӕуы цот кӕныны ахсджиаг кампани дӕр ӕмӕ уал ӕм ис 300 уӕрыччы. Хӕдзарады ма ис 5 бӕхы ӕмӕ мӕргътӕ та сты 50. Районы хӕдзарадтӕй ма иуӕй-иутӕ кӕ-нынц кӕсаджы куыст дӕр. Уыдон та сты «Форель» ӕмӕ «Океан».
Хуыбиаты Н.
Comments are closed, but trackbacks and pingbacks are open.