Ахуырадон центр «Эрудит»-ы истори æмæ æхсæнадзонынады ахуыргæнæг Багаты Ибрагим бахауд Æппæтуæрæсейон конкурс «Лига лекторов»-ы финалистты номхыгъдмæ. Конкурс сорганизаци кодта æхсæнад «Знание», – уый тыххæй хъусын кæны Цæгат Ирыстон-Аланийы Ахуырады министрады пресс-службæ. Æрдæгфиналы лекцитимæ ралæууыдысты 400 хайадисæджы æппæт Уæрæсейæ. Цæгат Ирыстоны минæвар æнтыстджынæй рацыд æппæт конкурсон этаптæ дæр æмæ 16-17 майы финалы ралæудзæн Уæрæсейы Федерацийы зынгæдæр уæлдæр ахуырадон уагдæтты фæзуæтты.
Финалы уæлахиздзаутæ бацæудзысты уæрæсейаг æхсæнад «Знание»-йы лекторты номхыгъдмæ. Хайад исдзысты йæ мадзæлтты æмæ исдзысты æхцайы призтæ хисæрмагонд рухстауæн проектты рæзты тыххæй. «Лига лекторов» у рухстауджыты масштабон æмæ иууыл ахадæндæр конкурс, кæцыйы фæлгæтты кæй фæнды, уыдонæн сæ бон суыдзæн сæ тыхтæ бафæлварын лекторы хуызы, сæ ралæудтыты фæлтæрддзинад баххæст кæнын, хи аудитори ссарын æмæ сæ куыстæн аргъ кæнын. Банысан кæнын хъæуы уый дæр, æмæ конкурсы æртыккаг сезоны æдæппæтæй хайад кæй истой 10 мин адæймаджы бæрц.
