Республикæ Хуссар Ирыстоны хæдбардзинад расидыны Акт райсыны боннысан кæныны цытæн Президент Гаглойты Алан бабæрæг кодта Хъахъхъæнынады министрад. Сæйраг паддзахадон бæрæгбонтæй сæ иуы цытæн, паддзахады сæргълæууæг раарфæ кодта æфсæддон службæгæнджытæн, йæ цæст сын бауарзта сабырад æмæ службæйы æнтыстытæ, æмæ ведомствойæн балæвар кодта дыууæ «УАЗ Патриот» машинæйы.
Хуссар Ирыстон нысан кæны егъау бæрæгбон. 1992 азы республикæ фехъусын кодта йæ хæдбардзинады тыххæй, адæм тох кæнын райдыдтой сæ сæрибардзинады сæрыл», – загъта Гаглойты Алан.
Уый бузныджы ныхæстæ загъта, Хуссар Ирыстоны паддзахадон хæдбардзинад расидынмæ бар чи дары, æппæт уыдонæн, æмæ банысан кодта, Фыдыбæстæ хъахъхъæнджыты абоны фæлтæр цæттæ кæй у уыцы тох адарддæр кæнынмæ. Паддзахад та, йæхи æрдыгæй, хæсджын у æмæ хуыздæр кæндзæн службæ æххæст кæныны уавæртæ.
