Цытджын æмбæстæгтæ!
Ацы бонты мах нысан кæнæм геноциды радон бон, уæд ирон адæмы куынæг кодтой национ хаттмæ гæсгæ.
Гуырдзиаг къухдариуæгад нæ ныббарста ирон адæмæн, сæрибар цард æмæ хæдбардзинадмæ кæй тырныдтой, уый. Æмæ сæ реакци уыдис карз æмæ æгъатыр. 1920 азы июны гуырдзиаг æфсад цалдæр къуырийы дæргъы тырныдтой Хуссар Ирыстоны ирон цæрджыты скуынæг кæнынмæ. 12 июны Цхинвал бацахстой, гуырдзиаг меньшевиктæ фыдмитæ кодтой Ирыстоны хуссар хайы территорийыл. Цагътой, мардтой адæмы, сыгътой æмæ пырх кодтой хъæутæ. Цхинвал æмæ бирæ хъæутæ пиллон калдтой. Райдыдта ирон адæмы геноцид. Уыцы тугкалæн бонты æрцахстой æмæ мæлæты тæрхон рахастой 13 коммунарæн – уыдон фæстæдæр систы геноциды символ.
Ахæм тугкалæн фыдракæндтæн нæй æмгъуыды, нæй сын рохгæнæн. Æрвылаз 20 июны мах æрымысæм геноциды амæттæгты рухс нæмттæ. Гуырдзыстон 1920 азæй 2008 азмæ куынæг кодта нæ адæмы, кодтой æдзухон репресситæ, мардтой, куынæг кодтой нæ истори, культурæ, традицитæ, æвзаг. Махæн нæй нæ адæмы бирæазон геноциды ферох кæныны бар, кæцыйы амæтæгтæ систы дæсгай мин адæймæгтæ. Æнæаххос амæттæгты хъысмæтыл рыст æнустæм баззайдзæн нæ зæрдæты.
Æнусон мысынад геноциды амæттæгтæн!
Сабырад, хорздзинад æмæ дидинæфтыд – æппæт махæн!
Республикæ Хуссар Ирыстоны Парламенты Сæрдар ÆЛБОРТЫ Алан
Ацы æрмæджытæ дæр бакæс:
Гаглойты Аланы сидт Республикæ Хуссар Ирыстоны адæммæ
РХИ-йы ПАРЛАМЕНТЫ СÆРДАР ТАДТАТЫ АЛАНЫ СИДТ
НÆЙ БЫНДУР ТЫХСТДЗИНАД ÆМÆ ТАСДЗИНАДÆН
РЕСПУБЛИКÆ ХУССАР ИРЫСТОНЫ ПРЕЗИДЕНТ БИБЫЛТЫ АНАТОЛИЙЫ СИДТ НАЦИМÆ ИРÆТТЫ ГЕНОЦИДЫ 100 АЗЫ СÆРАППОНД
Республикæ Хуссар Ирыстоны Фæсарæйнаг хъуыддæгты министрады Сидт Ирон адæмы геноцидыл 100 азы сæххæсты фæдыл фæсарæйнаг паддзахадты Хицауадтæм
