Зынаргъ хæлæрттæ!
Арфæ уын кæнын медицинон кусæджы боны цытæн!
Сымах равзæрстат арфæйаг професси, кæцы домы арф зонындзинæдтæ, бæрзонд компетенци, быхсындзинад æмæ хæрзаудындзинад. Афоныл æмæ гъæдджын медицинон æххуыс бакæныны фæрцы адæммæ ногæй раздæхынц тыхтæ æмæ хорз хиæнкъарынад. Сымах бахъæуы царды ахсджиаг уынаффæтæ райсын æмæ оперативонæй иууыл вазыгджындæр ситуациты архайын.
Пандеми КОВИД-19 рæстæджы уæ профессионалондзинад æмæ равзаргæ хъуыддагыл æнувыддзинады фæрцы сымахæн уæ къухты бафтыд не ‘мфыдыбæстæйонты сæдæгай цард аирвæзын кæнын.
Æнæниздзинад хъахъхъæныны системæ баххæст кæнын у приоритетон хæс Республикæ Хуссар Ирыстоны къухдариуæгады раз. Уымæн сæххæстгæнæн ис нырыккон технологитæ ныббиноныг кæныны, квалификациджын кадртæ бацæттæ кæнын, медицинон лæггæдты гъæд фæхуыздæр кæныны æмæ сæ æнцонвадат саразыны руаджы. Уырны мæ, нæ иу-мæйаг архайдтытæ фадат кæй ратдзысты æввахсдæр азты нæ разы æрæвæргæ хæстæ сæххæст кæнынæн.
Ацы бæрæгбоны мæ зæрдиагæй раарфæ кæнын фæнды æппæт дохтыртæн, фельдшертæ, медицинон хотæ, санитартæ, афтæ ма æнæниздзинад хъахъхъæныны къабазы ветерантæн сæ куыст æмæ удуæлдайдзинады тыххæй!
Мæ зæрдæ уын зæгъы фидар æнæниздзинад, амонд, царды æппæт хæрзиуджытæ æмæ хорз зæрдæйыуаг. Сабырдзинад æмæ хорздзинæдтæ уæхицæн æмæ уæ бинонтæн!
Бæрæгбоны хорзæх уæ уæнт!
Республикæ Хуссар Ирыстоны
Президент ГАГЛОЙТЫ Алан
***
Республикæ Хуссар Ирыстоны æнæниздзинад хъахъхъæныны цытджын кусджытæ æмæ ветерантæ!
Республикæ Хуссар Ирыстоны Парламент æмæ уын сæрмагондæй мæхи номæй арфæ кæнын профессионалон бæрæгбон – Медицинон кусæджы боны цытæн.
Медицинон кусæг, дохтыр, медицинон хойы куыст алыхатт уыд хъæугæ æмæ кадджын. Уæ куыст у цæрджыты æнæниздзинад æмæ цард бахъахъхъæнынимæ баст. Уæ куысты мидис у адæмæн æнувыдæй лæггад кæнын æмæ домы удуæлдайдзинад, бæрзонд профессионализм, фæлтæрддзинад, быхстдзинад æмæ зæрдæхæлардзинад. Уæ сæйраг хæс у адæймагæн рæстæгыл хъæугæ æххуыс бакæнын.
Медицинæйы фадыджы нын ис бирæ проблемæтæ – рæстæгыл квалификациджын медицинон æххуыс бакæныны, хостæй сифтонг кæныны. Хицауад æппæтдæр аразы цухдзинæдтæ аиуварс кæнынæн.
Уырны мæ, æнæниздзинад хъахъхъæныны æнæмæнгхъæуæг æмæ позитивон ивындзинæдты бындур кæй суыдзысты медикты иумæйаг архайдтытæ, ног технологитæ æмæ ифтонггæрзтæ ныббиноныг кæнын, диагностикæ æмæ хос кæнынмæ ног прогрессивон методтæ базонынмæ тырнындзинад, профессийыл æнувыддзинад, пациенттæм хъусдард æмæ сын кад кæнын.
Мæ цæст уын уарзы æнæниздзинад, æнтыстытæ уæ фæрныгадон архайды, амонд æмæ царды æппæт хорздзинæдтæ.
Республикæ Хуссар Ирыстоны Парламенты
Сæрдар ÆЛБОРТЫ Алан
