Цытджын æмбæстæгтæ!
Арфæ уын кæнын Республикæ Хуссар Ирыстоны Конституцийы боны цытæн!
2001 азы 8 апрелы Республикæ Хуссар Ирыстоны адæм референдумы райста æмæ сфидар кодта бæстæйы ныры архайæг Сæйраг закъон. Ацы историон актæй гом æрцыд нæ паддзахиуæгады историйы ног сæр, сбæрæг кодта йæ рæзты дарддæры фæндаг, кæцы æркодта Уæрæсейы Федераци нæ бæстæйы хæдбардзинад банымайынмæ, афтæ æндæр паддзахадты ‘рдыгæй дæр.
Конституцийы паддзахады цы демократон бындуртæ, æмбæстаджы бартæ æмæ сæрибардзинад, политикон æмæ социалон-экономикон сконды принциптæ фидар сты, уыдон систы дарддæры рæзты фидар бындур. Æмбарад, адæмон хицауад, адæмы барты приоритет, закъоны уæлиондзинад систы махæн фундаменталон, æнæфенкъуысгæ хæзна æмæ бæрæг кæны нæ паддзахиуæгады мидис æмæ стратегион здæхтытæ.
Республикæ Хуссар Ирыстоны Сæйраг закъон арæзт у ныры дугмæ гæсгæ, дзуапп кæны адæмы домæнтæн æмæ тырнындзинæдтæн, хæссы арæзтадон потенциал социалон-экономикон ахастытæ æмæ политикон системæйы дарддæры рæзтæн. Паддзахады фидар конституцион бындуртыл къухдариуæггæнгæйæ, æхсæнадон разыдзинад æмæ политикон стабилондзинад ифтонг кæнгæйæ, республикæйы адæмæн сæ бон у цыфæнды хæстæ скъуыддзаг кæнын дæр æмæ фидарæй разылæууæг хæстæм цæуын!
Мæ цæст уын уарзы æнæниздзинад, фæрныгад, амонд, æппæт нæ адæмæн та сабырад, дидинæфтыд æмæ ног æнтыстытæ Фыдыбæстæйы хæрзиуæгæн!
Республикæ Хуссар Ирыстоны
Президент БИБЫЛТЫ Анатоли
***
Цытджын æмбæстæгтæ!
8-æм апрель у нæ адæмы паддзахадон бæрæгбонты ахсджиаг бонтæй сæ иу. Нæ республикæ нысан кæны Республикæ Хуссар Ирыстоны Конституцион бартæ æмæ сæрибардзинады сæйраг гарант райсыны бон.
Закъоны раз æмбарад, ныхасы, дины уырнынадыл сæрибардзинад, социалон хъахъхъæнынад, ахуырад, медицинон æххуысæн бартæ сты нæ демократон æнтыстытæ, кæцытæн мах хъуамæ аргъ кæнæм.
Мах алкæй дæр фæнды нæ бæстæйы сабырæй æмæ дидинæфтаугæйæ уынын, рæзгæ æмæ æнтыстджынæй. Æмæ уый тыххæй та зæрдыл дарын хъæуы æрмæст бартæ æмæ сæрибардзинадмæ, кæцыты тыххæй гаранти дæтты Конституци, фæлæ ма алы æмбæстаджы бартæ дæр. Æрмæстдæр иумæйаг тыхтæй махæн нæ бон суыдзæн паддзахиуæгад сфидар кæныны фæдыл хæстæ скъуыддзаг кæнын, экономикæйы рæзт, адæмы фæрныгад æмæ æхсæнады стабилондзинад фæбæрзонддæр кæнын.
Зынаргъ æмзæххонтæ, арфæ уын кæнын Конституцийы боны цытæн æмæ уын мæ цæст уарзы фидар æнæниздзинад, оптимизм æмæ ног æнтыстытæ!
Республикæ Хуссар Ирыстоны
Парламенты Сæрдар ТАДТАТЫ Алан
***
Луганскы Адæмон Республикæйы сæргълæууæг Леонид Пасечник раар-фæ кодта Президент Бибылты Анатолийæн Республикæ Хуссар Ирыстоны Конституцийы боны цытæн.
Арфæйы телы дзырдæуы:
«Цытджын Анатоли Ильяйы фырт!
Арфæ дын кæнын Республикæ Хуссар Ирыстоны Конституцийы боны цы-тæн!
Сæйраг закъон республикæйы æмбæстаджы бартæ æмæ сæрибардзинады гарант нæу, фæлæ у паддзахады æнтыстджын рæзты бындур дæр.
Кæй зæгъын æй хъæуы, Конституцийæн Хуссар Ирыстоны царды ис егъау нысаниуæг, демократон нормæтæ æвдисгæйæ, кæцытæ уæвынад кæнынц нырыккон æхсæнады, бæстæйы стабилондзинад фидар кæнгæйæ.
Республикæ Хуссар Ирыстон у, Луганскы Адæмон Республикæйы хæдбардзинад чи банымадта, уыдонæй сæ иу. Æфсымæрон адæмон æххуыс ныр дæр, махæн ахæм уæззау рæстæджы, иуварс нæ лæууы Донбассы гуманитарон цæрджытæй, æмæ уый тыххæй стæм бузныг.
Мæ цæст дын уарзы, цытджын Анатоли Ильяйы фырт, фидар æнæниздзинад, амонд, Хуссар Ирыстоны цæрджытæн та сабыр арвы бын царды фæндиæгтæ æмæ дидинæфтыд!».
Comments are closed, but trackbacks and pingbacks are open.