Цытджын журналисттæ! Зынаргъ хæлæрттæ!
Зæрдæбынæй уын арфæ кæнын уæ профессионалон бæрæгбон – дзыллон информацийы фæрæзты кусæджы боны цытæн!
Сымахыл æвæрд ис бæрнон мисси – нæ адæмы æнхъæлцтæ æмæ ныфсыты æвдисын, пайдайы æмæ объективон информацийы гуырæн уæвын, паддзахадон интерестæ размæ кæнын. Ацы хъуыддаджы уæ æмбæлццон хъуамæ уа профессионалон этикæ – рæстдзинад, дырысдзинад æнæхæрамдзинады принциптыл æнувыддзинад.
30 азæй фылдæр, Хуссар Ирыстоны бахъуыд йæ уæвынады бартыл тох кæнын, уыцы нымæцы журналистты удуæлдай куысты фæрцы нæ бон ссис хæстон конфликты уавæрты информацион хæст рамбулын æмæ паддзахаддзинады арæзтæн ахъаз кæнын. Æз стыр аргъ кæнын дзыллон информацийы фæрæзты кусджытæн æмæ мæ уырны, сымахæй алкæцы дæр национ интерестæ кæй æвæры алцæмæй уæлдæр.
Дзыллон информацийы фæрæзтæ бæрæгæй æндавынц æхсæнадон хъуыдыйыл. Растдæр уымæ гæсгæ уæ архайдæн абон ис ахсджиаг нысаниуæг нæ адæмы иудзинад æмæ æнгомдзинад сфидардæр кæныны тыххæй. Уырны мæ, уæ компетенци æмæ активон æмбæстагон позици кæй суыдзысты æндидзынады хид паддзахад æмæ æхсæнады ‘хсæн.
Ацы нысаниуæгджын боны сымахæн æмæ уæрæсейаг информацион агентадты уæ коллегæтæн, кæцытæ сæ архайд æххæст кæнынц нæ бæстæйы территорийыл, мæ зæрдæ зæгъы фидар æнæниздзинад, амонд, сфæлдыстадон уæлтæмæнтæ!
Ут рæсугъд цардарæзтады æмæ хæлардзинады тыххæй хабархæсджытæ.
Республикæ Хуссар Ирыстоны Президент ГАГЛОЙТЫ Алан
Comments are closed, but trackbacks and pingbacks are open.