Футболæй Уæрæсейы æмбырдгонд командæйы сæйраг тренер Черчесты Станислав хорзæхджын æрцыд Александр Невскийы орденæй. Уæрæсейаг командæйы тренер æмæ хицæн футболисттæн хорзæхттæ радта УФ-йы Президент Владимир Путин.

Командæйы капитан Игорь Акинфеев æмæ хъахъхъæнæг Сергей Игнашевич райстой Кады ордентæ. Иннæ хъазджытæ æмæ тренертæ та хорзæхджын æрцыдысты Уæрæсейы Президенты Кады грамотæтæй.

Владимир Путин бузныджы ныхæстæ загъта Черчесты Станиславæн ахæм дæсныдзинады æмæ алы хатт дæр лидеры бынаты йæ арæхстдзинады тыххæй.

«Мах иууылдæр федтам, куыд хъомысджын уыд хъазджыты æвзарын æмæ цæттæ кæныны стратеги, куыд стыр у йæ дæсныдзинад, психологы, зондамонæджы æмæ лидеры курдиат», – банысан кодта Владимир Путин.

Владимир Путин ма хъусдард аздæхта Сергей Игнашевичы хъазтмæ дæр. «Не ‘мбырдгонд командæйы хъахъхъæнæджы хъæзтыты нымæц национ æмбырдгонд командæйы схызт 127 онг æмæ иумæйагæй та 20 азæй фылдæр ис профессионалон футболы. Чемпионаты хъазт ссис Сергей Николайы фырты карьерæйы бирæ азты дæргъы, ирд финал æмæ йын мах бузныджы ныхæстæ дзурæм уæрæсейаг футболы райрæзтмæ стыр хайбавæрд кæй бахаста», – загъта УФ-йы Президент.

Уæрæсейы Федерацийы къухдариуæггæнæг ма банысан кодта, Уæрæсейы æмбырдгонд командæйы удуæлдай æмæ æнæлаз хъазт кæй сси милуангай футболуарзджытæ бирæ кæмæ æнхъæлмæ кастысты, ахæм лæвар.

«Сымах нын уый фадат радтат, цæмæй не ‘мбырдгонд командæйæ, сымахæй, нæ бæстæйæ сæрыстыр уæм. Ныфс нын радтат, фыдыбæстæйон футбол кæй сæндидздзæн, кæй райсдзæн ног хуыз, тых æмæ авторитет», – загъта Президент.

Уый ма загъта, зæгъгæ, уæрæсейаг футболисттæ дунеон чемпионаты фæлгæтты равдыстой «командæйон æмархайды иттæг хорз цæвиттон, спортивон тохы рæсугъддзинад». Зæрдыл дарын кæнæм, Уæрсейы æмбырдгонд командæ ног историйы фыццаг хатт кæй ахызт финалы цыппæрæм хаймæ.

Йæ рады Чересты Станислав бузныг загъта Путинæн æмæ банысан кодта: Мах нæ хъуыддаг хорзæхты тыххæй нæ сарæзтам, фæлæ нæ Уæрæсейы, нæ бæстæйы аккагдзинад æмæ цæсгом аккагæй равдисыны тыххæй. Фæндит ма нæ ноджыдæр иу хатт ардæм æрбацæуын, æрмæст æндæр хуызы».

Ацы æрмæджытæ дæр бакæс:

Черчесты Станиславы портрет – бирæуæладзыгон хæдзары фарсыл Ног æмæ ног спортивон сгуыхтдзинæдтæм тырнæг тренер Default ThumbnailАхæмтæй сæрыстыр вæййы наци кæнæ та райгуырæн Ирыстонæн кадгæнджытæ Куымæридтаты Вадим – грекъаг-римаг хъæбысхæстæй Уæрæсейы æмбырдгонд командæйы генералон менеджер Алы хатт дæр нæм æгас цу, Рæмоны фырт!

Comments are closed, but trackbacks and pingbacks are open.