Цалдæргай бынæтты чи кусынц, уыдон сбæлвырд кæныныл бакусын æмæ сæрибар ваканситы тыххæй зонæнтæ Президенты Администрацимæ æрбавдисыныл дзырд цыд, ацы фарсты фæдыл арæзт чи æрцыд, уыцы къамисы рабадты. Кусæгон къорды сæргълæууæг, РХИ-йы Президенты Администрацийы къухдариуæггæнæджы фыццаг хæдивæг Пухаты Къоста куыд банысан кодта, уымæ гæсгæ ацы фарсты фæдыл куыстæн ис бæрæг фæстиуджытæ. Ныридæгæн сбæрæг, дыууæ кæнæ фылдæр бынаты æнæзакъонæй чи кусынц, бирæ ахæмтæ. Фæлæ уый æмрæстæджы, уыдон фылдæр ныфс уыд, куыст рæстæгыл æмæ æмбæлонæй кæй æрцæудзæн. Министрадтæ æмæ уагдæтты къухдариуæггæнджытæ ныридæгæн хъуамæ æрбавдыстаиккой, чи ссæрибар сты, уыцы ваканситы нымæц, фæлæ бирæ уагдæттæ сæ хæс нæма сæххæст кодтой. Пухаты Къостайы ныхæстæм гæсгæ, 1406 адæймаджы кæройнаг номхыгъд нæу, цалдæр бынæтты чи куыста, уыдонæн.
Йæ ныхæстæм гæсгæ, дыууæ кæнæ фылдæр бынаты æнæзакъонæй чи кусынц, уыдон тыххæй æхсæнады арæх фехъусæн вæййы æнæразы-йы ныхæстæ, уымæн æмæ бирæ æвзонг фæсивæд та сты æгуыст.
Пухаты Къоста куыд банысан кодта, афтæмæй кусæгон къорды архайдæн ис æрмæстдæр амонæн нысаниуæг, уагдæтты къухдариуæггæнджыты бартæ дæлдзиныг нæ цæуынц, сæхæдæг бæстон кæнынц кадрон фарстатæ. Кусæгон къорд æнцой кæны уæрæсейаг нормативон-барадон акттыл. Уым ирд æмæ карзæй æвдыст сты цалдæр бынаты кусыны гæнæнтæ æмæ бартæ. Зæрдыл ма æрлæууын кодта ацы фарсты фæдыл бæстæйы сæргълæууæджы хæслæвæрдтæ.
«Паддзахады сæргълæууæг бирæ хæттыты банысан кодта, цæмæй алы къухдариуæггæнæг дæр бæрнон ахаст равдиса ацы фарстмæ. Уымæн æмæ уый бæрæг бандавдзæн республикæйы æгуыст æмбæстæгты фадæттæ фæрог кæныныл. Ам дзырд цæуы, фыццаджыдæр, æвзонг квалификациджын специалисттыл.
Алы къухдариуæггæнæг дæр æмбæлон службæтимæ йæхæдæг хъуамæ скъуыддзаг кæна ацы фарст æмæ йæ алчидæр хъуамæ æмбара, Хуссар Ирыстоны социалон æнæлыггонд фарстытæй иу æгуыстдзинад кæй у, æмæ йæ аскъуыддзаг кæнынмæ сæ хъус хъуамæ æрдарой уагдæттæ»,- банысан кодта Къоста.
Уый ма зæрдыл æрлæууын кодта, зæгъгæ, куыстифтонгады управленийы ис æвзонг специалистты бæрæггæнæнты базæ æмæ хынцыд цæуы æгуыстдзинады фарст. Сæрибар ваканситы тыххæй. информацийæ сæ бон у æмæ спайда кæной уагдæтты къухдариуæггæнджытæ, куы фæзыной, уæд.
Ацы фарсты фæдыл кусæгон къорды къухдариуæггæнæг Пухаты Къоста ноджыдæр бахатыд уагдæтты къухдариуæггæнджытæм, цæмæй бæрнон ахаст равдисой æмæ цыбыр рæстæгмæ æрбавдисой ссæрибаруæвæг ваканситы номхыгъд.
Нæ уацх.
Comments are closed, but trackbacks and pingbacks are open.