Знауыры районы Циндары хъӕуы советон дуджы сӕвӕрдтой цыртдзӕвӕн, хъӕубӕстӕй Стыр Фыдыбӕстӕйон хӕстмӕ чи ацыд ӕмӕ чи нал ӕрӕздӕхт, уыцы зынгхуыст хæстонтæн. Цыртдзӕвӕны алыварс рæстæгыл не ‘рцӕуы ӕфснайд ӕмӕ схӕмпӕл вӕййы, уымæ хæстæг бӕлӕсты хус къалиутӕ ӕвзӕрӕй фӕзынынц. Уымӕ гӕсгӕ Знауыры районы милицийы управленийы кусджытӕ сӕхимӕ хӕс райстой, цӕмӕй акци «Войны священные страницы навеки в памяти людской»-йы фӕлгӕтты цыртдзӕвӕны алыварс хӕрзӕфснайд бакӕной.
Цыртдзӕвӕны алыварс кæрдæг ӕркарстой, къутӕртӕ бахсӕстой, бырӕттӕ ӕртымбыл кодтой. Бӕлӕсты хус къалиуты ралыг кодтой ӕмӕ сӕ раластой цыртдзӕвӕны территорийӕ. Сцалцӕг ма йын кодтой йе ‘мбонд дӕр ӕмӕ сахуырстой цыртдзӕвӕны.
Акцийы фӕлгӕтты милицийы кусджытӕ иннӕ районты дӕр ӕмбӕлон уагмӕ кӕнынц цыртдзӕвӕнтӕ ӕмӕ сӕ алыварс территоритӕ.
ДЖИОТЫ Алыксандр
