2 миллиард сомы – газы инфраструктурæйы реконструкцийы тыххæй

Уæрæсейы Федерацийы Хицауады хорзыл банымадтой Хуссар Ирыстоны министрты кабинетимæ сразыдзинад, кæцымæ гæсгæ «Газпром» йæхимæ исы хæс гом акционерон æхсæнад «Газпром – Южная Осетия»-йы газы инфраструктурæйы модернизаци æмæ реконструкцийы инвестицитæй сифтонг кæнын фондз азы дæргъы 2 миллиард сомы бæрцæ. Уый тыххæй хъусын кæны УФ-йы барадон информацийы официалон портал.

Сразыдзинадыл къухтæ æрфыссыны фæстæ фæрстæ дыууæ азы дæргъы план кæнынц Хуссар Ирыстоны цæрджытæ газы аргъ фидыны хыгъды методикæ, принцип æмæ фæтк бакусын кæй реализаци кæнынц, уыцы. Документы тексты куыд нысанчындæуы, уымæ гæсгæ уæрæсейаг фарс æххуыс кæны «Газпром –  Южная Осетия»-йы компанийæн фондз азы дæргъы Республикæйы газификацийы генералон схемæйы реализацикæныны.

Йæхи ‘рдыгæй РХИ-йы Хицауад «Газпром»-æн ауæй кæндзæн йæ хай 25 процентæй, иумиаг куыстуат «Газпром – Южная Осетия»-йы иу акци фæкъаддæр кæнгæйæ. Афтæмæй «Газпром»-ы хай компанийы уыдзæн 100 проценты. Сразыдзинады проекты бадзырды суммæ нысан нæ цæуы.

Бадзырдмæ гæсгæ Хуссар Ирыстоны паддзахадон исбонады цы æппæт исад, бартæ æмæ интерестæ ис, кæцытæ сты Хуссар Ирыстоны паддзахадон исад æмæ сæ пайда кæнынц регионы территорийыл æрдзон газы транспортировкæ, дих кæнын, æфснайын æмæ реализаци кæнынæн, хъуамæ æнæаргъæй лæвæрд æрцæуой «Газпром – Южная Осетия»-йы исбонадмæ.

Афтæ ма хъусынчындæуы, зæгъгæ, УФ-йы премьер-министр Дмитри Медведев бахæс кодта энергетикæйы министрадæн Уæрæсейы Фæсарæйнаг хъуыддæгты министрады хайадистæй хуссарирыстойнаг фарсимæ бадзырдтæ ауадзын æмæ къухты бафтгæ бадзырдтæм гæсгæ бацамынд сразыдзинадыл къухтæ æрфыссын. Уæрæсейаг фарсæрдыгæй сразыдзинады реализацийы тыххæй дзуапп дæтты «Газпром», Хуссар Ирыстоны фарсæрдыгæй та –  паддзахадон унитарон куыстуад «Энергоресурс».

Ацы æрмæджытæ дæр бакæс:

Республикæйы æмбæстæгтæ адресон æххуыс райстой 1,5 милуан сомы бæрц Республикæйы газификацийæн бахъæудзæн афæдз æмæ æрдæг Хуссар Ирыстон уæрæх кæны базарадон-экономикон бастдзинæдтæ Социалон инфраструктурæйы рæзт – районы æндидзынадмæ ахсджиаг къахдзæф Хуссар Ирыстон рæзын кæны йæ инвестицион хъомыс