Nog adres

Адæм, кæрæдзи уарзгæйæ цæрут!

Арфæтæ

Йæ Бæрзонддзинад, Уæрæсейы Федерацийы Президент Владимир В.В. Путинæн
Цытджын Владимир Владимиры фырт,
Айс мын мæ иууыл хъармдæр арфæтæ Чырыстийы Райгасы Рухс бæрæгбон - Хуыцауы Куадзæны сæраппонд.
Куадзæны бæрæгбон кæддæриддæр нысан кæнынц чырыстоны диныл хæст дзыллæтæ уæлдай фарн æмæ хъæлдзæгдзинады æнкъарæнтимæ. Ацы алæмæтон бæрæгбон ноджы фидардæр кæны, чырыстон дины иумæйаг æргъадтæ кæрæдзийы 'хсæн чи дих кæнынц, уыцы Уæрæсе æмæ Хуссар Ирыстоны ‘хсæн бирææнусон монон бастдзинад.
Ацы бæрæгбоны мæ дæуæн бафæнддзæн фидар æнæниздзинад, хорздзинад, амонд æмæ царды хæрзиуджытæ.
Республикæ Хуссар Ирыстоны Президент ТЫБЫЛТЫ Леонид

Дзауы районы æрæмысыдысты зæххæнкъуысты бон

IMG_9155.JPGАцы аз 25 азы сæххæст ис, Дзауы районы цы стыр зæххæнкъуыст æрцыд, ууыл.
Рæстæг дугъон бæхæй хъауджыдæр нæу, афтæ згъоры, æмæ йæ адæймаг хатгæ дæр нæ фæкæны. Ис ахæм цаутæ, кæцытæ адæмы зæрдæты баззайынц æнæферохгæнгæйæ. Бынтон сæ йæ зæрдыл бадарын кæй нæ фæфæнды, уыдоны зæрдæтæм дæр уыцы уæззау бонты æрцыдæй уазал æмæ риссаг ныхылдæй фæныхилынц æмæ та æппæт хабæрттæ дæр зын мысинæгтæй æрлæууынц адæймаджы зæрдæйыл.
1991 азы уалдзæджы тæмæны, 29-æм апрелы къуырисæр бон уыдис æмæ адæймаджы зæрдæйыл рухс æнкъарæнтæ æфтыдта. Уыцы бон, куыд фæзæгъынц, хур бæстыл атылд æмæ æрдз та цъæх-цъæхид адардта. Йæ фæсонæрхæджы дæр никæмæн æрцыдаид, ахæм удылæхцондзинад æфтауæг бон дунескæнæг кæй рахæтдзæн адæмыл. Фæ-лæ адæм цы æнхъæл нæ уыдысты, уый сыл цалдæр уысммæ æр-цыдис. Зæхх нынкъуыстис бæрцæй дæр цалдæр минуты æмæ адæм сæргой фесты. Дзауæгты æмæ æмт-кæй Хуссар Ирыстоны адæмæн æрбайхæлд се 'нцойад, бæстæ ныссаудалынг æмæ адæмы тасыл ноджыдæр æфтыдта тасдзинад…
Уыцы зæххæнкъуысты дудгæбон абон дæр ацы районы æмæ Хуссар Ирыстоны адæмæй рох нæу. Йæхи цæстæй йæ чи федта æмæ йæ чи бавзæрста, уыдонæн 25 азы размæ цы ‘рцыдис, уый абон дæр уайы сæ цæстытыл, раст цыма знон уыдис зæххæнкъуыст, уыйау. Уымæн æмæ раздæрау сæ уарзон районы рæсугъдæй нал уынынц; уымæн æмæ дзы æрцыдис уды зиæнттæ дæр.

Тыбылты Леонид: «Гуырдзыстонимæ арæнгæрон районты цæрæг æмбæстæгты фæрныгад махæн у иттæг ахсджиаг»

IMG_8927.JPGЛенингоры районы Цъинагары зонæмæ кусæгон балцы фæстиуджыты фæдыл РХИ-йы Президент Тыбылты Леонид ауагъта æмбырд уырдыгæй æрæздæхгæйæ. Æмбырды хайад райстой Цхинвалы районы администрацийы сæргълæууæг Плиты Алан, РХИ-йы Автомобилон фæндæгты арæзтад æмæ эксплуатацийы фæдыл комитеты сæрдар Гуыззыдтаты Эдуард æмæ паддзахадон-унитарон куыстуат «Дорэкспострой»-йы генералон директор Лалыты Мурат. Цы темæйыл уынаффæ кодтой, уый уыд иувæрсты цæуæг Цъинагар-Громы фæндаджы арæзтад, кæцыйыл фембæлды дзырдтой Цъинагары зонæйы цæрджытæ. Ацы фæндаг административон æгъдауæй хауы Цхинвалы районмæ æмæ або-ны бонмæ уый у æвадат, цæуынæн нæ бæззы. Куыд банысанчындæуыд, афтæмæй ацы фарст иттæг актуалон у цæрджытæн, уымæн ацы фæндагæн йæ дæгъ у 15 киллометры æмæ у æртæ хатты цыбырдæр, ныртæккæ цы фæндагыл цæуынц хъæуы цæрджытæ, уымæй. Президент банысан кодта, зæгъгæ, цæрджытæ цы фарст æрæвæрдтой, уый у иттæг ахсджиаг æмæ йæм хъæуы æвæстиатæй æркæсын. «Кæд æмæ абон Цхинвалæй Цъинагармæ фæндагыл цæуын хъæуы 2 сахаты, уæд ацы фæндаджы эксплуатацимæ радтыны фæстæ уый зынгæ фæцыбырдæр уыдзæн, - загъта уый, - æмæ райсомæй республикæйы столицæмæ чи рацæуынц сæ хъуыддæгты фæдыл æмæ фæстæмæ чи хъуамæ баздæхой, уыдонæн фæндагыл цы къаддæр рæстæг бахардз кæной, уымæн ис стыр нысаниуæг».

Мысæн мадзал - Цъинагары хъæуы

IMG_8232.JPGГуырдзиаг агрессийы амæттæгты мысæн бон - 28 апрелы Цъинагары хъæуы, знаджы нæмыгæй фæмардуæвджыты цырты цур ауагъдæуыд траурон митинг, цыран хайад райстой Республикæ Хуссар Ирыстоны Президент Тыбылты Леонид, РХИ-йы Хицауады Сæрдары хæдивæг Пухаты Эрик, республикæйы Генералон прокурор Дзæгъиаты Уырызмæг, политикон партиты æмæ республикæйы æхсæнады минæвæрттæ, Ленингоры районы администрацийы минæвæрттæ. Мадзалмæ æрбацыдысты фæмардуæвджыты бинонтæ, хиуæттæ æмæ хæстæджытæ, æрæмбырд сты æввахс хъæуты цæрджытæ, скъолаты ахуыргæнджытæ æмæ ахуырдзаутæ.
Мадзалы райдиан республикæйы Президент Тыбылты Леонид дидинджытæ сæвæрдта фæмардуæвджыты цырты раз. Цырты раз дидинджытæ сæвæрдтой фыдохы мадзалы иннæ хайадисджытæ дæр. Уый фæстæ райдыдта мысæн мадзал, уагъта йæ Ленингоры районы администрацийы культурæйы хайады Цъинагары зонæйы сæйраг специалист Уалыты Зоя.
Уый цыбыртæй радзырдта, Ленингоры районæй гуырдзиæгты къухæй чи фæмард, уыдоны тыххæй.
«25 азы размæ, 1991 азы 28 апрелы гуырдзиаг тугмондаг гæрзифтонг æнæадæймæгтæ Гуры районы Бершуеты хъæуы æрдыгæй æрбацыдысты Цъинагары хъæуы сæрвæттæм, хъуамæ атардтаиккой цъинагайрæгты фос, фехстой фыййауы, мигæнæны хъæрмæ хъæуы фæсивæд абадтысты уæзласæн машинæйыл æмæ атындзыдтой, æхст кæцæй фæцыд, уырдæм. Гуырдзиаг абырджытæ сæ куы ауыдтой, уæд сыл нæмыг нызгъæлстой машинæйы гуыффæмæ. Фæдисонтæй чи цæф фæцис, авдæй та мæлгæ акодтой. Фæмардуæвджытæ уыдысты Бибылты Гиви, Хуыбылты Отар, Мæргъиты Отар, Хуыбылты Зауыр, Чертхъоты Славик, Дудайты Тенгиз æмæ Хуыбылты Таймураз», - загъта мадзал амонæг.
Дарддæр уый радзырдта, Ленингоры районæй ма знæгты къухæй ноджы чи фæмард, уыдоны тыххæй дæр. Уый куыд банысан кодта, афтæмæй районы цæрджытæй гуырдзиæгты къухæй æдæппæтæй фæмард 24 адæймаджы.

Тымбыл фынг/ Дискусситæ референдумы фарсты фæдыл

Куыд ма хъусын кодтам, афтæмæй æрæджы дунеон пресс-центры уагъд æрцыд тымбыл фынг Республикæ Хуссар Ирыстоны Президент Тыбылты Леониды инициативæмæ гæсгæ референдум ауадзыны фарсты фæдыл. Тымбыл фынджы куысты хайад райстой политикон партиты къухдариуæггæнджытæ, Президенты Администрацийы минæвæрттæ, эксперттæ, æхсæнады минæвæрттæ.
Парламенты раздæры сæрдар Коцты Станиславы хъуыдымæ гæсгæ, референдумы фарст ма хъуамæ суа республикæйы æххæстгæнæг æмæ закъондæттынадон къухдариуæгады 'хсæн цæлхдур. Куыд банысан кодта, уымæ гæсгæ хъуыдытæ æмæ баххæсткæнинæгтæ хатт нæ фæхъæуы хынцын, фæлæ бæстæйы уæвæг оптималон хъуыддагыл хъуамæ не 'ппæт дæр разы кæнæм.
«Бæстæйы сæргълæууæджы инициативæ, Хуссар Ирыстоны референдум ауадзыны тыххæй у серьезон æмæ гæнæн ис æмæ æхсæнад ныддихтæ кæна. Референдум ауадзыны фарст ныридæгæн нысан у Президенты Администрацийы ‘рдыгæй, ууыл разы нæ дæн, уымæн æмæ ацы фарст уынаффæмæ хаст хъуамæ æрцыдаид.

РХИ-ЙЫ ПАРЛАМЕНТЫ

27-æм апрелы уыд Республикæ Хуссар Ирыстоны Парламенты цыппæрæм сессийы цыппæрæм рабадт. Рабадт уагъта РХИ-йы Парламенты Сæрдар Бибылты Анатоли.
Куыд фехъусын чындæуыд, уымæ гæсгæ РХИ-йы Парламенты уыйразмæ сессийы депутаттæ æркастысты «Паддзахадон арæны тыххæй Республикæ Хуссар Ирыстон æмæ Уæрæсейы Федерацийы 'хсæн Бадзырды ратификацийы тыххæй, кæцыйыл къухтæ æрфыстой Мæскуыйы 2015 азы 18-æм февралы» РХИ-йы Закъоны проектмæ æмæ ист æрцыд фыццаг бакасты, уымæн æмæ йемæ нæ уыдысты иуæй-иу уæлæмхасæн документтæ. Æддагон политикæ æмæ æхсæнпарламентон бастдзинæдты фæдыл парламентон комитеты сæрдары хæдивæг Плиты Александры ныхæстæм гæсгæ, æппæт уыдæттæ хынцыд æрцыдысты æмæ проект хаст цæуы кæройнаг бакасты Закъон райсыны тыххæй. Парламент æмхъæлæсæй сратификаци кодта Бадзырды.
Бюджет æмæ хъалонты фæдыл парламентон комитеты сæрдар Коцты Жаннæ уынаффæмæ рахаста Республикæ Хуссар Ирыстоны Национ бангы хыгъд 2015 азæн сæ бакæнгæ куысты тыххæй. Хыгъдимæ депутатты базонгæ кодта РХИ-йы Национ бангы Правленийы Сæрдар Зассеты Феликс. Хыгъды фæдыл сæ хъуыдытæ загътой депутаттæ Мамиты Инал, Коцты Олеся, Бибылты Анатоли, Уалыты Розæ, Гæбæраты Юри, Плиты Александр. Фарстытæ хаудысты æхца бавæрджыты нымæцмæ, бавæрдтыты гарантимæ, кредиттæ раздахынмæ, Цæстдарæн советы фæрæзтæй спайда кæнынмæ, кредиттæ дæттыны формæтæ фæуæрæхдæр кæнынмæ æмæ афтæ дарддæр.

Цалцæг цæуы транскамы фæндаг

DSC_0138.JPGАцы аз Инвестицион программæйы фæлгæтты нæ горæты арæзт æрцæудзысты 11 уынджы. Иннæ азтæм абаргæйæ, уынгтæ æмæ æндæр арæзтадтæм æрæвнæлдтой кусынмæ фыццаг кварталы. Рацæудзæн чысыл рæстæг æмæ та аразджытæ барухс кæндзысты сæ куыстæй цæрджыты зæрдæтæ. Æнæзæрдæхудт куыст чи кæны уый у, Фæндæгты арæзтад æмæ эксплуатацийы фæдыл комитеты дæлбар организаци «Дорэкспострой». Уымæ лæвæрд цы уынгтæ æрцыдысты цалцæг кæнынмæ, уыдон алы хатт дæр эксплуатацимæ лæвæрд æрцæуынц графикмæ гæсгæ æмæ гъæдджынæй. Ис сæм алыгъуызон техникæ æмæ фаг кусæгдых. Кусджытæ дих æрцæуынц бригадæтыл æмæ сæ алчи æнæзæрдæхудтæй феххæст кæны, сæ разы цы хæстæ ис, уыдон. Æмгъуыдæй раздæр ахицæн кæныныц сæ куыстытæ. Æмæ та мæнæ ныр дæр Транскамы фæндаг, цæмæй æмбæлон уавæры уа, уый тыххæй æнæхъусдард нæ зайы ацы организацийы æрдыгæй. Ацы бонты фæндагæн Дзау-Рукъы фадыгмæ бавнæлдтой цалцæггæнæн куыстытæм. Асфальт скæныны агъоммæ уал дзыхъыты асфалтæй байдзаг кæнынц æмæ стæй бавналынц куысты дыккаг хаймæ. Кусджытæ дих сты дыууæ бригадæйыл, цæмæй тагъд темптæй цæуа куыст æмæ машинæтæ æнæкъуылымпыйæ цæуой.

Арæнхъахъхъæнджыты 'хсæн рабæрæг сты хуыздæр æхсджытæ

IMG_3253.JPGРХИ-йы УФ-йы Федералон æдасдзинады службæйы Арæнгæрон управленийы сырæзтыл 7 азы сæххæсты цытæн Хуссар Ирыстоны уагъд æрцы-дис чемпионат хæстон къухæйæхсгæ хæцæнгæрзтæй æхсыны фæдыл. Ерысты хайад райстой 5 командæйы - Арæнгæрон управленийы Знауыр, Дменис, Ленингор æмæ Дзауы цæрæн пунктты хайадты командæтæ, афтæ ма Арæнгæрон управленийы аппараты командæ дæр. Алы командæйы сконды дæр уыдысты пистолетæй дыууæ æхсæджы, автоматæй дыууæ æхсæджы æмæ дыууæ та снайпертæ. Ерысты нæлгоймæгтимæ хайад истой сылгоймаг æфсæддон службæгæнджытæ дæр.
Ерысты программæйы уыдис цалдæр ерысгæнæн фæлтæрæны.
Хыгъдон рæстæджы арæнхъахъхъæнджытæ хъуамæ фенын кодтаиккой сæ рæстдзæвиндзинад æмæ сцæф кодтаиккой мысанты, кæцытæ уыдысты 25 метры дæрццæгæн Ярыгины пистолæй æхсгæйæ, 100 метры Калашниковы автоматæй æхсгæйæ æмæ 150 метры та - Драгуновы снайперон винтовкæйæ æхсгæйæ. Автоматæй æмæ снайперон винтовкæйæ æхсгæйæ, чемпионаты хайадисджытæ фæд-фæдыл æхстой æртæ уавæры хуысгæйæ, зоныгуылæй æмæ лæугæйæ. Пистолетæй æхс-джытæ та ерыс кодтой 2 ерысон фæлтæрæны стандартон æмæ тагъдыл æхсынæй.
Командон хыгъдимæ иумæ ерыстæ уагъд цыдысты хицæнтæй дæр, куыд нæлгоймæгты, афтæ сылгоймæгты 'хсæн дæр.
Ерысты сæйраг тæрхонгæнæг, Арæнгæрон управленийы минæвар Александр Смирновы ныхæстæм гæс-гæ уыдон уыдысты æвзарæн ерыстæ Уæрæсейы Федералон Æдасдзинады службæйы чемпионаты агъоммæ.

Хæлцадон фыдгæнджытæ

Куыд зонæм, афтæмæй нæ æрвылбоны æмæ бæрæгбонон фынгтыл цы хæлц вæййы, уыдонæн се 'ппæты сконды дæр ис, Менделеевы таблицæйы цыдæриддæр химикон бурадтæ ис, уыдон. Уыцы буарадтæ алы хæлцы, халсары, дыргъы, фыдызгъæлы кæнæ дзуллаг ссады иугъуызон бæрцæй не сты. Цы хæлц нын у лæвæрд, уымæй раст куынæ пайда кæнай, уæд ирон адæм раджы рафæлгъуыдтой, фыдхæрд фыдрын кæй у, уый.
Мæ дзырды сæр фыдхæрд куы уаид, уæд та йын цы у! Ныртæккæ фыдхæрдæй цы рынтæ фæзыны, уыдон фæсте аззадысты, дунейы цы стырдæр фыдбылыз цæттæгонд цæуы адæймагады ныхмæ, уыимæ абаргæйæ.
Цæвиттон, уæлдæр куыд загътам, афтæмæй, зæххыл цыдæриддæр змæлæг æмæ сæрæгас ис, цыдæриддæр зæххыл зайæгхалы номæй хуындæуы, уыдон конд сты химикон буарадтæй. Менделеевы номхыгъды ис 63 элементы. Зæгъынц, зæгъгæ Менделеев уыцы номхыгъд фыны федта 1869 азы. Ӕцæгæй куыд уыди, уый бæлвырд нæу, фæлæ адæймагмæ хатт афтæ фæкæсы, цыма дунейы цæрджытæ цас ахуыргонддæр æмæ размæцыд дæр сты, уыйбæрц кæнынц фыдзæрдæ æмæ æгъатырдæр.
Менделеевы номхыгъды цы 63 буарады уыди, уыдон се ппæт дæр сты мæры сконды, стæй цыдæриддæр мæры зайы садзгæйæ дæр æмæ æрдзон æгъдауæй дæр, уыдон сконды. Чизоны исчи зæгъы, ома уый алы чысыл саби дæр зоны. Фæлæ дзырд, чи фылдæр æмæ хуыздæр зоны химийы æгъдæуттæ кæнæ æрдззонынады чи рæвдздæр у, ууыл нæ цæуы. Хъуыддаг уый мидæг ис, æмæ ацы процесс кусы æрмæстдæр иуæрдæм… Ома куыд?

Хуызисæджы фæндондзинад

SAM_2906.JPGАфтæ чи дзуры, зæгъгæ, алы куыст дæр куыст у, æз дæр дæн уыдон фарс. Уымæн æмæ цыфæнды чысыл куыстæй дæр, куы йæ бауарзай æмæ йæ куыд æмбæлы, афтæ куы æххæст кæнай, уæд дзы дæхицæн дæр скад кæндзынæ æмæ, кæд стыр бынтæ нæ, уæддæр дзы сараздзынæ дæ цард.
Нæ горæты ис цалдæр нывисæны. Уыдонæй алчи дæр йæ куыст æххæст кæны, чи сæм æрбацæуы уыдон домæнтæ хынцгæйæ. Мæ абоны уацы ракæндзынæн уыдонæй сæ иу, нырмæ дæр адæмы 'хсæн, йæ хорз куысты тыххæй йæ кой кæмæн айхъуыст, уыцы, Дыгъуызты Виталийы кой.
Витали райгуырд, рæзт æмæ схъомыл нæ горæты. Сабийæ йæ абонмæ чи зоны, уыдонæй иу дæр нæ зæгъдзæнис æмæ Витали йе 'мкарæнтæй хицæн кодта истæмæй. Уыдонау рæзт, цыд скъоламæ æмæ æнæзивæгæй æххæст кодта, скъоладзауы раз цы хæстæ уыд, уыдон. Витали куыд стыр кодта, афтæ æргомдæр кодта йæ принципиалондзинад, фæлæ уыимæ нæ сæфт йе 'фсæрм æмæ уæздандзинад дæр. Райдайæн кълæсты ахуыргæнгæйæ дæр йе ‘мбæлтты хсæн зынын райдыдтой, галиудзинæдтæй æхцон-дзинад чи иста ахæмтæ, фæлæ се 'хсæн, кæд знæгтæ нæ агуырдта, уæддæр ахæмтæн нæ барста, нæ сын тæригъæд кодта бауайдзæф, бафхæрынæй. Уыцы хорз миниуджытæ йын банкъардтой йæ ахуыргæнджытæ, æрвылхатт дæр дзы уыдысты буц æмæ сæрыстыр. Виталийæн йæ ахуыргæнджытæм уыд иттæг хорз ахаст, фæлæ дзы арæхдæр æрымысы Гасситы Татьянæ, Виленчик Юри æмæ ма цалдæр ахуыргæнæджы.

Къух бафыстæуыд Уæрæсе æмæ Хуссар Ирыстоны 'хсæн паддзахадон арæны тыххæй бадзырды ратификацийы закъоныл

granica.jpgВладимир Путин йæ къух æрфыста «Паддзахадон арæны тыххæй Уæрæсейы Федераци æмæ Хуссар Ирыстоны 'хсæн бадзырды ратификацийы тыххæй» Федералон закъоныл. Уый тыххæй фехъусын кодта Уæрæсейы Федерацийы Президенты сайт.
Уæрæсейы Федерацийы Паддзахадон Думæ Федералон закъон райста 2016 азы 15 апрелы æмæ йæ 2016 азы 20 апрелы Федерацийы Совет банымадта хорзыл.
«Федералон закъонæй ратификацигонд æрцæудзæн Уæрæсейы Федераци æмæ Республикæ Хуссар Ирыстоны 'хсæн паддзахадон арæны тыххæй Бадзырд, кæцыйыл къухтæ фыст æрцыд Мæскуыйы 2015 азы 18 февралы.
Бадзырд у базæйон документ, кæцы бæрæг кæны дыууæ паддзахады 'хсæн паддзахадон арæн, Уæрæсейы Федераци, Республикæ Хуссар æмæ Гуырдзыстоны 'хсæн паддзахадон арæн кæм иу кæны, æппæт уыцы хаххыл, ныгуылæнæй скæсæны онг.

Инспекцион азылд горæты арæзтцæуæг объекттыл

IMG_7865.JPGНæ горæты арæзт цæуынц, ахсджиаг нысаниуæг кæмæн ис, ахæм объекттæ. Знон 27 апрелы Президент Тыбылты Леонид инспекцион азылд сарæзта уыдоныл. Йемæ ма уыдысты горæты администрацийы сæргълæууæг Æлборты Алан, Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард, йæ хæдивæг Гаглойты Сергей æмæ æндæр официалон адæймæгтæ.
Райдианы Президент æмæ йе 'мбæлццæттæ бацыдысты æмæ федтой Цхинвалы бирæпрофилон колледжы дыууæуæладзыгон агъуыст. Ам куыстытæ цæуынц цырд темптæй, æмæ сты сæ тæмæны, ныридæгæн арæзт у фыццаг уæладзыг. Арæзтадон куыстытæ кæны подрядон организаци ООО «АЛФА-ЗАР», йæ сæргълæууæг Хъотайты Рутен. Графикмæ гæсгæ фыццаг уæладзыг хъуамæ сцæттæ уыдаид 15-æм маймæ, фæлæ ам куыстытæ конд æрцыдысты æмгъуыдæй раздæр. Дыууæуæладзыгон агъуыст арæзт куы фæуа, уæд ам баконд æрцæудзæнис алыгъуызон куырдадзтæ, хæринагарæзæн æмæ хуыйæн хатæнтæ. «АЛФА-ЗАР»-ы сæргълæууæг куыд зæгъы, афтæмæй: «Хатæнтæ иууылдæр дзуапп дæтдзысты нырыккон домæнтæн». Уымæй дарддæр ма Хъотайты Рутен куыд загъта, афтæмæй арæзтадон объект финансгонд цæуы рæстæгыл, æппындæр дзы нæй къуылымпытæ. Объект эксплуатацимæ лæвæрд æрцæудзæнис ацы аз ноябры мæйы. Зæгъын хъæуы уый, æмæ колледжы ахуыргæнджытæ дæр райгонд сты арæзтады темптæй. Куыд дзырдтой, уымæ гæсгæ арæзтадон-монтажгæнæн куыстыты хайад райсдзысты колледжы ахуыргæнинæгтæ дæр, цæмæй уыцыиу рæстæджы райсой практикæ.

Блиц-æрфарст/ НÆ АДÆМЫ ÆНУСОН БÆЛЛИЦ

Уæрæсеимæ баиу уæвын у нæ адæмы æнусон бæллиц. Уый тыххæй нæ бæстæйы къухдариуæгад аскъуыддзаг кодтой референдум ауадзын, куыд хæдбар паддзахад, афтæ Уæрæсейы скондмæ бацæуыны тыххæй. Уымæй бæстон æрцæудзæн нæ бæстæйы æдасдзинад, уыдзæн ын политикон фæстиуджытæ.
Не 'хсæнады стыр дзырд цæуы ныртæккæ ацы ахсджиаг, хъысмæтскъуыддзаггæнæн фарстыл. Уый фæдыл у нæ блиц-æрфарст дæр.
Хъазиты Мелитон, Ирыстоны Фысджыты цæдисы æмсæрдар:
- Иу туг æмæ стæг адæм сæ кæрæдзи куы фембарынц, уæд сæ цин, сæ маст æмхуызон фæцæвæнтæ кæны сæ хъуыдыйы. Сæ иуы цы хъыг фæхæры, иннæйы дæр - уый, сæ иу цы цинæй фæрайы, иннæ дæр - уымæй. Æмæ мын 08.08.08 кæнæ уый размæ исчи афтæ куы загътаид, искуы ирон дзыхæйдзурæг, Уæрæсеимæ баиу уæм, иу паддзахады цæрæм, уый ныхмæ уыдзæнис, уæд мæ хъустыл нæ баууæндыдаин. Нæ референдумты-иу уыцы фарсты охыл 99 проценты уымæн хъæлæс кодтам.

АРФÆТÆ

Президент Тыбылты Леониды арфæ Кондад æмæ транспорты фадыджы кусджытæн

Кондад æмæ транспорты цытджын кусджытæ!
Зынаргъ æмбæлттæ!
Айсут мæ иууыл зæрдиагдæр арфæтæ уæ профессионалон бæрæгбон - Республикæ Хуссар Ирыстоны Кондад æмæ тарнспорты кусæджы боны цытæн.
Уæ профессионализм, патриотизм æмæ куыстыл æнувыддзинад сты стыр аргъы æмæ кады аккаг. Нæ республикæйы кондады æппæт кусджытæ æмæ ветерантæн ныллæг нæ сæрæй кувæм сæ удуæлдай æмæ намысджын куысты тыххæй.
Абон сымах, зынаргъ æмбæлттæ, кусын бахъæуы вазыгджын уавæрты. Фæнды мæ банысан кæнын, Хуссар Ирыстоны къухдариуæгад бирæ хъарутæ кæй хардз кæны нæ бæстæйы цардызмæлды ацы ахсджиаг фадыджы размæцыды сæраппонд. Мах дарддæр дæр араздзыстæм æппæтдæр, цæмæй нæ кондад æмæ транспортон хæдзарад ногæй суа фидар æмæ нæ республикæйы экономикæйы рæвдз чи рæзы, ахæм фадгуытæ.
Ацы бæрæгбоны сымахæн, уе ‘ввахс адæм æмæ хи-уæттæн мæ цæст уарзы фидар æнæниздзинад, амонд, циндзинад æмæ хæрзиуджытæ.

Хуссар Ирыстоны делегацийы хайадист Сочийы Æхсæнадæмон форумы фæахъаз ис РХИ-йы æхсæнадæмон бастдзинæдтæ рауæрæх кæнынмæ

13071782_786118154859029_5180708704913317400_o.jpgХуссар Ирыстоны делегаци Парламенты Сæрдар Бибылты Анатолийы сæргълæудæй хайад райста Æхсæнадæмон форумы ахæм номимæ: «Дыккаг трекыл. Æмбæстагон æхсæнад æмæ æхсæнадон дипломатийы нысаниуæг Шанхайаг æмгуыстады организацийы дарддæры рæзт æмæ рауæрæх кæныны хъуыддаджы». Форум уагъд цыди 19-20 апрелы горæт Сочийы. Уæрæсейы Федерацийы Æхсæнадон Палатæйы æмæ Хæдбар Паддзахадты Æмхæларады бæс-тæты институты хъæппæрисмæ гæсгæ Уæрæсейы хуссайраг сæйраг горæты æрæмбырд сты Шанхайы æмгуыстады организацийы (ШОС) хайадисæг бæстæты минæвæрттæ, ШÆО (ШОС)-ы цур хъусдарæг бæстæты минæвæрттæ, диалогы фæдыл æмæ организацийæн Европæйы 26 перспективон бæстæйы, Ази æмæ Африкæйы Непал, Пакистан, Сири, Шри-Ланка, Китай, Монгол, Малайзи, Камбоджа, Иран, Инди, Израиль, Индонези, Египет, Вьетнам, Афганистан, Азербайджан, Сомихстон, Беларусь, Казахстан, Хъыргъыз, Таджикистан, Узбекистан, Лаос, Уæрæсе æмæ æндæр бæстæтæ.
Уыдон нымæцы фыццаг хатт уыдысты Хуссар Ирыстоны минæвæрттæ. Форумы оргкомитет, кæцыйы сконды уыди УФ-йы РХИ-йы фыццаг минæвар, ХПÆ-йы бæстæты инстиуты Кавказы хайады гæс Медойты Димитр, сифтонг кодта ахæм ахсджиаг æхсæнадæмон мадзалы куысты æнтыстæн æппæт уавæртæ дæр.
Форумы дыууæбонон куыст райдыдта пленарон рабадтæй. Уый баст уыди рæзгæ æхсæндунеон æндыгъддзинады уавæрты организацийы раз лæууæг проблемæтæ æмæ ног уæнгты райсыны фæрцы Организаци рауæрæх кæныны фарстытимæ - уыдон сты Инди æмæ Пакистан, фæстæдæр та Иран дæр.

RSS-материал