Санкт-Петербурджы уагъд æрцыд 12-æм дунеон славяйнаг музыкалон форум «Золотой витязь», зæгъгæ. Мариинаг театры концертон залы сценæйы уыд форум сæхгæныны цытджын церемони. Мариинаг театры аивадон къухдариуæггæнæг Гергиты Валерийæн саккаг кодтой Георгий Свиридовы номыл сыгъзæрин майдан музыкалон культурæмæ йе стыр хайбавæрды тыххæй. Маэстройæн хорзæх радта «Золотой Витязь»-ы форумы президент Николай Бурляев. Æрвылаз дæр ацы проект йæ программæты æрбаиу кæны уæрæ-сейаг музыкалон коллективты, оркестрты æмæ театрты хуыздæр куыстытæ сбæрæг кæныны нысанæн. Экспертон жюри развæлгъау саргъ кæны регионалон коллективты оперон спектаклтæ æмæ симфонион концерттæн. Ацы азы уæлахиздзауты ‘хсæн сты дирижертæ, аивадон къухдариуæггæнджытæ Ростов, Волгоград, Ижевск, Ярославль æмæ Мæскуыйы театртæй. «Æз нымайын афтæ, æмæ ахæм мадзæлттæн ис бирæ цæрыны бар, уымæ гæсгæ алыварсонæй хæцын ацы форумы тырысайы бын радон акцитæ ауадзыны æвварс», – загъта Гергиты Валери.
2021-11-29
Comments are closed, but trackbacks and pingbacks are open.