Хицауады Сæрдар Джуссойты Константин Хицауады аппараты кусджыты базонгæ кодта ног къухдариуæггæнæг Пæррæстаты Алинæимæ.
Хицауады сæргълæууæг æрæмбырдуæвджытæн раарфæ кодта ногазон бæрæгбонты цытæн æмæ банысан кодта, зæгъгæ, ног азы хъæуы бирæ ног хæстæ аскъуыддзаг кæнын, кæцытыл фæтых уыдзыстæм иумæ архайгæйæ.
«Мах хъæуы радон азæн цы пълæнттæ снысан кодтам, уыдон сæххæст кæнын. Уырны мæ, Хицауады аппараты ног къухдариуæггæнæг – Алинæ Амираны чызгимæ, коллективимæ иумæ махæн уыдон нæ къухты кæй бафтдзысты. Ахсджиаг у, цæмæй алчидæр йæ бынаты йæ куыст æххæст кæна цæсгомджынæй, иумæйаг фæстиуæгмæ тырнгæйæ», – загъта Джуссойты Константин.
Пæррæстаты Алинæйæн Хицауады сæргълæууæджы цæст бауарзта æнтыстджын куыст æмæ банысан кодта, кæддæриддæр цæттæ кæй у коллективимæ æмгуыст кæнынмæ.
«Æз цæттæ дæн коллективимæ ныхас кæнынмæ, цæттæ дæн конструктивон фæндтæм байхъусынмæ æмæ Хицауады аппараты куысты гъæд фæхузыдæр кæныны тыххæй æппæтдæр саразынмæ», – загъта Джуссойты Константин.
Пæррæстаты Алинæ йæ рады бузныджы ныхæстæ загъта республикæйы къухдариуæгадæн се ‘ууæнкдзинады тыххæй æмæ Хицауады сæргълæууæгæн ныфс бавæрдта, æппæт тыхтæ æмæ зонындзинæдтæй кæй спайда кæндзæн разылæууæг хæстæ эффективонæй скъуыддзаг кæнынæн.
«Хорз коллектив нын ис. Уырны мæ, иумæ мах кæй фæтых уыдзыстæм æппæт разылæууæг хæстыл», – банысан кодта Пæррæстаты Алинæ.
