Информаци æмæ мыхуыры паддзахадон комитеты сæрдар Хъотайты Марияйы Хъотайты Марияйы æрвылкъуырион брифинг ауагъд æрцыд агентад «Спутник»-ы пресс-центры Фыдыбæстæ хъахъхъæнæджы боны æмæ Республикæйы Хъахъхъæнынады министрады сырæзтыл 25 кæй æххæст кæны, уый сæраппонд.

Хъотайты Мария куыд банысан кодта, афтæмæй 25 азы размæ Республикæ Хуссар Ирыстоны Хъахъхъæнынады министрад арæзт æрцыд, радон хатт та Гуырдзыстон хæстон агрессийы руаджы йæ территориалон æнæхъæндзинад сæндидзын кæнынмæ кæй æрхъавыд, уый тыххæй. Гуырдзыстоны ацы плæнтты ныхмæ тохты хайад истой стихионæй арæзтæрцæуæг къордтæ. Нæ лæппутæ йæ куы бамбæрстой, ныхмæлæууынад тагъд  скъуыддзаг не ‘рцæудзæн æмæ республикæйы хæдбардзинад иугай къордтæй бахъахъхъæнын зын кæй уыдзæн, уæд аскъуыддзаг кодтой уыцы къордтæ баиу кæнын æмæ хъахъхъæнынады министрад саразын. Хъахъхъæнынады министрады саразыны сæргъ лæууыдысты зынгæ политикон архайæг, Хуыбылты Валери æмæ Джиоты Алан. Уыдон æрæмбырд кодтой, сæ райгуырæн къуым, сæ адæмы чи хъахъхъæдтой, йæ райгуырæн зæхх æгæрон уарзтæй чи уарзта, уыцы лæппуты æмæ сæ сарæзтой иу æфсæддон ведомство.

Тыхон структурæ бæргæ æрцыд арæзт, фæлæ уæд дзырд дæр нæ уыд хæстон техникæйы ифтонгадыл. Сæ райгуырæн зæхх хъахъхъæнджытæм нæ уыд хуымæтæджы винтовкæтæ дæр æмæ цуангæнæн хæцæнгæрзтæ дæр. Нæ лæппутæ сæ Райгуырæн бæстæ хъахъхъæнынмæ цыдысты сæ фидар удыхъæды фæрцы. Уыдонæй бирæтæ сæ машинæтæ уæй кодтой æмæ уыцы æхцайæ сæхицæн æлхæдтой автоматтæ, фæлæ уый дæр алкæйы бон нæ уыд.   Уыцы адæймæгты руаджы абон нæ республикæйæн ис йæхи Гарзджын тыхтæ, йæхи Хъахъхъæнынады министрад. Уыцы хъæбатыртæ, абоны фæлтæр сты сæ табугæнджытæ, цæвиттон кæмæй исой, ахæмтæ.

Регулярон æгъдауæй уагъд цæуынц æфсæддон ахуыртæ, министрад ифтонг цæуы техникæйæ. Æфсад фылдæрæй фылдæр кæны, хуыздæр кæны йæ хæстхъомдзинад, æвзонгдæр кæнынц æфсæддон кадртæ дæр.

Хъотайты Мария мадзалы кæрон бæрæгбоны цытæн раарфæ кодта республикæйы Гарзджын тыхты службæгæнджытæн, министрады кусджытæн æмæ Хуссар Ирыстоны æппæт нæлгоймæгтæн.

Нæ уацх.

 

Ацы æрмæджытæ дæр бакæс:

Къуырийы цаутыл афæлгæст Default ThumbnailКъуыри йемыдзаг уыд нысаниуæгджын цаутæй Афæлгæст къуырийы дæргъы æрцæугæ цаутыл Default ThumbnailНог цаутæ, ног проблемæтыл афæлгæст Default ThumbnailХъахъхъæнынады министрадæн байгом уыдзæн ног городок

Comments are closed, but trackbacks and pingbacks are open.