Уанеты Захары номыл Хуссар Ирыстоны зонад-иртасæн институты экономикæйы хайады зонадон кусæг хайад райста 6-æм дунеон зонадон-практикон конференцийы, кæцы баст уыд Донецкы уæлдæр профессионалон ахуырадон уагдон «ДОНАУИГС»-ы сырæзтыл 30 азы сæххæсты бонимæ.
Йæ ныхæстæм гæсгæ, «Территориты социалон-экономикон рæзты контексты паддзахадриуæгкæнынады архайды эффективондзинад фæбæрзонддæр кæныны фæндæгтæ»-йы конференцийы хайадисджытæ систы 480 ахуыргонды Уæрæсе, Луганскы æмæ Донецкы Адæмон Республикæты, Республикæ Беларусь, Хуссар Ирыстон, Стырбритани æмæ æндæр бæстæтæй. «Конференци æрбаиу кодта паддзахадон хицауиуæгады органты, Донецкы Адæмон Республикæйы уæлдæр профессионалон ахуырадон организациты къухдариуæггæнджыты, ахуыргæндты, бизнес-структурæты къухдариуæггæнджыты иу зонадон-практикон фæзуаты Донецкы Адæмон Республикæйы социалон-экономикон рæзты фадыджы проблемæтæ аскъуыддзаг кæныны тыххæй», – банысан кодта уый.
Дзабиты Вячеславы ныхæстæм гæсгæ, видеобастдзинады арфæйы раныхасы фæстæ, уый фыццаг секцийы пленарон рабадты раныхас кодта ахæм докладимæ: «Республикæ Хуссар Ирыстоны хæлцадон æдасдзинад сифтонг кæныны перспективæтæ», зæгъгæ.
«Секцийы куыст ацыд удæгас атмосферæйы ралæугæ фæрсты экономикæйы проблемæтæм цымыдисимæ», – банысан кодта зонадон кусæг.
Пленарон рабадты раныхас кодтой докладгæнджытæ абоны боны актуалон фарстытимæ: «Ссæрибаргонд территориты куыстуæттимæ бизнесы рæзты перспективæтæ», «Украинæйы сæрмагонд æфсæддон операци кæронмæ фæуыны фæстæ Донецк æмæ Луганскы Адæмон Республикæты территориты ног æхсæнадон-политикон структурæтæ саразын» æмæ афтæ дарддæр.
Дзабиты Вячеслав куыд бамбарын кодта, уымæ гæсгæ конференци адарддæр ис фондз секцийы куыстæй: Экономикæйы рæзтыл стратегион управлени; Кондадон æмæ социалон системæты менеджмент æмæ маркетингы гъæд фæбæрзонддæр кæнын; Паддзахадон хицауиуæгады органты архайды социалон инновациты ифтонгады теоретикон-барадон æмæ философон-психологон бындуртæ æмæ афтæ дарддæр.
ИА «Рес»
Comments are closed, but trackbacks and pingbacks are open.