Фæндагон змæлды æдасдзинады инспекцийы милицийы майор Бесаты Александр куыд зæгъы, афтæмæй нæ горæты велосипедисттæ не ‘ххæст кæнынц фæндагон змæлды фæткойтæ, сæ велосипедтыл нæ вæййы рухсгæнæнтæ æмæ æрттиваг элементтæ, нæ сыл вæййы æрттиваг дарæс дæр.
«Ныййарджытæй курæг стæм, цæмæй сæ сывæллæттæм сæ хъус дарой, науæд го-рæты уынгты скъæргæйæ аразынц аварион уавæртæ. Фæ-дзæхсæм уæ æмæ уын хъусын кæнæм, нырæй фæстæмæ сæ кæй уромдзыстæм, æмæ ма сæ ивар дæр кæй кæндзыстæм» – банысан кодта Бесаты Алек-сандр.
Велосипедтæ фæстаг азты тынг сарæх сты. Ӕрмæст тротуартыл нæ, фæлæ ма автомашинæты фæндæгтыл дæр кæй скъæрынц, уымæ гæсгæ, æнæ-мæнгæй, хъуамæ зоной фæн-дагон змæлды фæткойтæ. Закъонмæ гæсгæ автомашинæ æмæ мотоциклы шофыртæн цы бартæ ис, велосипеды шофырæн дæр уыцы бартæ ис. Фæлæ сæ махмæ никуы фæивар кæнынц, фæндагон фæт-койтæ куы фехалынц, уæд. Афтæ сахуыр сты, ома ницы бæрндзинад хæссæм æмæ нæ куыд фæнды, афтæ цæу-дзыстæм велосипедтыл. Хъыгагæн, æрцæуы фыдбылызтæ, трагикон цаутæ дæр. Алчидæр æй хъуамæ зона – велосипедист куы фехала фæндагон фæткойтæ, уæд фæндагон змæлды инспекторæн бар ис æмæ йæ фæивар кæна.
7 азы онг кæуыл цæуы, уыцы сывæллæттæн бар ис велосипедыл цæуын тротуарыл. Ӕрмæст йæ ныййарджытæй, кæнæ хистæр кары адæймæгтæй исчи хъуамæ уа йемæ. Уыимæ ма иумæ сывæллон велосипед скъæргæйæ макæй хъуамæ хъыгдара. Уый тыххæй бæрндзинад хæссынц йæ ныййарджытæ. Уыдон хæсджын сты, цæмæй сæ сывæллоны сахуыр кæной велосипед скъæрын. 14 азæй уæлæмæ кæуыл цæуы, уыдонæн бар ис æмæ фæндагмæ рахизой велосипед скъæргæйæ, фæлæ æрмæстдæр фæндагæн йæ рахис фæрсты. Фистæгæй цæуджы-ты ахизæнмæ куы бахæццæ уа, уæд хъуамæ æрлæууа æмæ рауадза фистæгæй цæуджыты, стæй йæхæдæг дæр хъуамæ ахиза фистæгæй фæндаджы иннæ фарсмæ.
Велосипедисттæн бар нæй:
– велосипед æнæкъухтæй скъæрын;
– габаритон уæзтæ ласын, кæцытæ велосипедæй æд-дæмæ зынынц æрдæг метрæй фылдæр;
– бæлццон ласын, конструкцимæ гæсгæ йыл куы нæ уа бадæн;
– 7 азы онг кары сывæллæтты ласын, хъæуы сæ специалон арæзт бынæттæ;
– телефонæй пайда кæнын, æрмæстдæр специалон гарнитурæимæ;
– фæндагыл цæугæйæ, галиуырдæм азилын.
Велосипедист фæндагыл цæуыны фæткойтæ куы фехала, уæд ивар цæуы 800 сомы. Нозтджынæй йæ куы бауромой, уæд – 1 мин кæнæ 1500 сомы.
Велосипедист куы бахъыгдара фæндаджы иннæ змæлджыты, уæд – кæндзысты 1 мин сомы.
Ӕнæххæст кары сывæллæтты тыххæй бæрндзинад хæссынц сæ ныййарджытæ.
Джиоты Александр
Comments are closed, but trackbacks and pingbacks are open.