Хуссар Ирыстоны юстицийы министр Джиоты Алан æмæ Тæрхондонон приставты федералон службæйы директор – Уæрæсейы Федерацийы сæйраг пристав Дмитрий Аристов уынаффæ кодтой РХИ-йы тæрхондоны приставты æмæ Æфхæрд æххæстгæнæн управленийы пенсион ифтонгады тыххæй.
Уыдон фембæлдысты Петербурджы XII æхсæнадæмон юридикон форумы платформæйы. Уый тыххæй фехъусын кодта республикæйы Юстицийы министрады пресс-службæ.
«Фембæлды рæстæджы Джиоты Алан æмæ Дмитрий Аристов дзырдой, Хуссар Ирыстон æмæ УФ Федералон службæйы тæрхондоны приставты ‘хсæн æмархайды фарстатыл, республикæйы Тæрхондонон приставты службæйы æмæ Æфхæрд æххæстгæнæн управленийы кусджыты пенсион ифтонгады тыххæй сразыдзинад цæттæ кæй у, уый тыххæй, афтæ ма Тæрхондоны приставты службæйы автоматизацигонд информацион системæ саразыныл», – фехъусын кодта пресс-службæ.
Хуссарирыстойнаг фарсы æрдыгæй фембæлды хайад райстой РХИ-йы юстицийы министры хæдивæг Цхуырбаты Нинæ, Тæрхондонон приставты службæйы сæргълæууæг Дзæгъиаты Вадим, «Югосреестр»-ы къухдариуæггæнæг Коцты Аленæ æмæ æндæртæ.
Уæрæсейы фарсæрдыгæй та уыдысты Уæрæсейы Федерацийы Тæрхондонон приставты Федералон службæйы директоры хæдивæг Владимир Воронин, Тæрхондонон приставты Федералон службæйы директор – Уæрæсейы Федерацийы сæйраг тæрхондонон приставы уынаффæгæнæг Павел Хуторенко.
***
Республикæ Хуссар Ирыстоны æмæ Уæрæсейы Федерацийы Юстицийы министрадтæ сæ къухтæ æрфыстой 2024-2025 азты æмкуысткæнынады программæйыл.
Бадзырд арæзт æрцыд Петербурджы XII æхсæнадæмон юридикон форумы фæлгæтты.
Республикæ Хуссар Ирыстоны æрдыгæй документыл йæ къух æрфыста Хицауады Сæрдары хæдивæг – республикæйы юстицийы министр Джиоты Алан, Уæрæсейы Федерацийы æрдыгæй та – УФ юстицийы министр Константин Чуйченко.
