Ведомствойы банысан кодтой хистæр сержант, пушкæты хæдцæугæ-артиллерион взводы расчеты командир Дигойты Хъазбеджы сгуыхтдзинады тыххæй, – хъусын кæны ТК «Звезда». Сæйраг здæхтытæй сæ иуы размæбырсæн архайдтыты рæстæджы хистæр сержант Дигойты Хъазбег æххæст кодта йæ хæс уæрæсейаг æфсæддон службæгæнджыты батальонон-тактикон къордæн артиллерион æххуысы тыххæй.
Украинæйаг националистты тыхджын артиллерион æмæ минометон æхстытæм нæкæсгæйæ, Хъазбег равдыста æхсардзинад, арæхстджынæй æхста ныхмæлæууæджы объекттæ. Афтæмæй, хистæр сержант Дигойы фырты бæрзонд профессионалондзинады фæрцы, размæбырсты рæстæджы куынæг æрцыд националистты взвод æмæ фистæг æфсады æртæ хæстон машинæйы. Дигойты Хъазбегы æхстыты фæстиуæгæн ныхмæлæууæгыл æрцыд бæрæг зиæнттæ æмæ йæ бахъуыд фæстæмæ алæууын. Уый фадат радта уæрæсейаг æфсæддон службæгæнджытæн егъау цæрæн пункттæй сæ иуы здæхты размæ ацæуынæн æмæ стратегион районтæ бацах-сынæн горæт ссæрибар кæныны тыххæй.
ХОРЗÆХДЖЫН ÆРЦЫД УÆРÆСЕЙЫ ХЪАЙТАРДЗИНАДЫ ОРДЕНÆЙ
Хуссар Ирыстоны дислокацигонд УФ-йы æфсæддон базæйы æфсæддон службæгæнæг, æфсæддон дохтыр Владимир Кулеба Уæрæсейы Федерацийы президент Владимир Путины барамындæй хорзæхджын æрцыд Хъайтардзинады орденæй. Уый сæрмагонд опе-рацийы рæстæджы иу карз тохы фæцæф. Бæрзонд хорзæх ын рад-той, адæмы ирвæзын кæныны рæстæджы равдисгæ удуæлдайдзинад æмæ хъайтардзинады кæй равдыста, уый тыххæй.
Владимир Кулеба нæ горæты 3-æм астæуккаг скъола каст фæцис, ахуыр кодта Цхинвалы медицинон ахуыргæнæндоны. 2006 азæй 2008 азмæ службæ кодта гуырдзиаг-ирон конфликты зонæйы фидауынгæнæг тыхты. Августы хæсты фæстæ бацыд Кæсæг-Балхъары паддзахадон университеты медицинон факультетмæ. 2015 азы æрыздæхт Цхинвалмæ æмæ службæ кæнын райыдта УФ-йы 4-æм æфсæддон базæйы.
2017 азы хайад райста Сирийы уæрæсейаг æфсæддон кампанийы. Донбассмæ Владимир ацыд 26-æм апрелы æфсæддон дохтырæй йæ къордимæ. Уый-иу бахъуыд хæстонтæн фыццаг æххуыс бакæныны æмæ цæфты тохы быдырæй раласыны сæр. «Бакодтониу сын фыц-цаг медицинон æххуыс æмæ-иу уый фæстæ фæдзырдтам спецмаши-нæмæ, кæцы цæфты эвакуаци кодта æдас бынатмæ», – загъта Владимир. Йæ къорд алы хатт дæр уыд раззаг хæххыты. 19-æм майы уæззау цæф фæцис нæмыджы схъистæй, уыцы бон фæмард сты Тедеты Ацæмæз æмæ Хъæцмæзты Ацæмæз. Владимир Кулеба дыууæ мæйы фæцис госпиталы. Реабилитацийы фæстæ фæнд кæны фæстæмæ Донбассмæ аздæхын.
Comments are closed, but trackbacks and pingbacks are open.