Нæ республикæйы цы алыхуызон арæзтæдтæ æххæст цæуы, уыдон нымæц дзæвгар вæййы. Уыдон та сты куыд æхсæнадон, афтæ хисæрмагонд æмбæстæгты арæзтадтæ дæр.
Кæй зæгъын æй хъæуы, бæстыхæйттæ аразын æмæ æндидзын кæнынæн дзæвгар арæзтадон æрмæджытæ фæхъæуы æмæ уыдон самал кæнынæн арæзтадон организациты сæргълæуджытæ, стæй хисæрмагонд арæзтæдты хицæутты къух фæрог кæныныл, сæ закъазтæ сын рæстæгыл чи æххæст кæны, уыдон сты, завод «Эмальпровод»-ы раздæры бæстыхайы профнастил чи уадзы, уыцы дыууæ адæймаджы. Ацы чысыл куыстуат кусы цалдæр азы æмæ æнæкъуылымпыйæ æххæст кæны фæлхасгæнджыты домæнтæ. Уыдон та сты, йæ хъуыддагыл зæрдийæ чи тыхсы, уыдон — Уалыты Ибрагим æмæ Коцты Роланд. Ацы куыстуарзаг нæлгоймæгтæ уарзынц сæ куыст æмæ сæ иу ран бадгæ нæ фендзынæ, фæтындзынц ахсджиаг продукци уадзыныл. Цы продукци уадзынц, уый æххæст кæнынц фæлхасгæнджыты фæндонмæ гæсгæ, ома цахæм хъуамæ уа йæ уæрх æмæ дæргъ. Продукци та амал кæнынц Волгоград, Липецк æмæ Ростовы сæхи æхцайы фæрæзтæй. Арæзтадон куыстытæ сæ тæмæны вæййынц уалдзæджы æмбисæй суанг фæззæджы кæронмæ æмæ уæд куыстуатæн йæ рауадзгæ продукци дæр вæййы дзæвгар фылдæр.
Хуыбиаты Никъала
