Ирон спортсментæ хорз бæрæггæнæнтæ равдыстой тхэквондойæ Цæгат Кавказы Федералон зылды чемпионаты. Ерыстæ уагъд цыдысты Налцыччы. Хайад сæ райстой 100 спортсменæй фылдæр.
Чемпионаты аккаг ныхмæлæуджытæ нæ разынд Цъакъоты Сæрмæт (74 кг) æмæ Томайты Иринæйæн (62 кг).
Бронзæйон призертæ та систы Джиоты Игорь (54 кг) æмæ Хъайттаты Лианæ.
***
Казаны уагъд æрцыд Уæрæсейы Кубокы 3-аг этап дамбацайæ практион æхсынæй. Ерысты æнтыстджынæй сæхи равдыстой Хъантемыраты Барис æмæ йæ чызг Виктория. Викторияйæн сыгъзæрин майдан рамбулын бантыст «Стандарт»-ы къласы ерысты. Барис та æвзист призер ссис «серийный с оптическим прицелом»-ы къласы. Уый фæрцы дыууæ дæр сæххæст кодтой «Уæрæсейы спорты дæсны»-йы нормативтæ.
Ныр ирон спортсментæ сæхи цæттæ кæндзысты Цæгат Кавказы Федералон зылды гом чемпионатмæ, кæцы уагъд цæудзæн 13-14 августы Цæгат Ирыстоны Джызæлмæ æввахс. Ныридæгæн уым хайад райсыны тыххæй куырдиæттæ бадæттой 80 спортсмены Уæрæсейы 14 регионæй.

ХУРИТЫ Батрадз

Ацы æрмæджытæ дæр бакæс:

Шахматтæ / теннисШахматтæ / теннис Default Thumbnail2020 азы спортивон æнтыстытæ Default Thumbnail2019 азы спортивон цаутыл афæлгæст Нæ республикæйы минæвæрттæ та систы Уæрæсейы чемпионаты призертæ 2016 азы сæйрагдæр спортивон цаутыл афæлгæст

Comments are closed, but trackbacks and pingbacks are open.