Ирон теннисист Хъæрæцаты Аслан шведаг горæт Бостады уагъдцæуæг теннисисттæ-профессионалты асоциацийы (АТР) турниры дыккаг зылды фæуæлахиз французаг Хьюго Гастоныл. Фембæлд фæцис 6:2, 6:4. Ныр Аслан турниры финалы 1/4 хайы хъаздзæн аргентинæйаг Франсиско Черундолоимæ.
Ирон теннисист фыццаг зылды та рамбылдта италиаг Лоренцо Сонегойы.
Бостады турнир хауы АТР 250 категоримæ. Йæ призон фонд у 597,9 мин евройы.
Хъæрæцаты Асланыл цæуы 28 азы. Уый АТР-йы рейтингы ахсы 40-æм бынат. Уый ацы организацийы эгидæйы бын рамбылдта æртæ титулы.
***
Ирон специалист Черчесты Станиславы къухдариуæгадæй венгриаг клуб «Ференцварош» фæуæлахиз казахстайнаг командæ «Тобол»-ыл æмæ ахызт чемпионты къорды (Лига чемпионов) дыккаг квалификацион раундмæ. Хъазт фæцис 5:1 хыгъдæй. «Фе-ренцварош»-ы радон ныхмæлæууæг уыдзæн сло-вакиаг «Слован».
***
Ирон футболон скъолайы хъомылгæнинæгтæ Гуыдиаты Витали æмæ Цæллæгаты Дзамболат контракттæ бафыстой ног клубтимæ. Витали «Ахмат»-æй рахызт «Химки»-мæ. Йæ контракт йæ тыхы уыдзæн 2022/23 азы сезоны кæронмæ.
Дзамболат та ныр хъаздзæн Мæскуыйы «Торпедо»-йы. Уый уырдæм рахызт литвæйаг «Дайнава»-йæ. Контракт сарæзта дыууæ азы æмгъуыдмæ.
ХУРИТЫ Батрадз
Comments are closed, but trackbacks and pingbacks are open.