Цытджын ахуыргæнджытæ æмæ ныййарджытæ! Зынаргъ скъоладзаутæ æмæ студенттæ!
Арфæ уын кæнын ахуыры азы райдианы цытæн!
Зонындзинæдты бон у ахæм бæрæгбон, æнæ кæцыйæ махæн нæ бон не суыдзæн нæ Райгуырæн зæхх – Республикæ Хуссар Ирыстоны сомбон саразын. Ацы нысаниуæгджын боны мæ фæнды раарфæ кæнын нæ фыццагкъласонтæн, кæцытæ абон фыццаг хатт бакъахдзæф кæндзысты скъолайы къæсæрæй, рауагъдонтæн, кæцытæм æнхъæлмæ кæсы сæ хисæрмагонд царды размæ кæройнаг этап, афтæ æппæт иннæ ахуырдзаутæн дæр, кæцытæ ног ахуыры азы схиздзысты зонындзинæдты радон къæпхæнмæ.
Бузныджы ныхæстæ дзурын педагогон коллективæн сæ удуæлдай куысты, быхсындзинады, сывæллæттæн цы зонындзинæдтæ лæвар кæнут, уыдоны тыххæй. Нæ рауагъдонтæ æвдисынц бæрзонд фæстиуджытæ æрмæст республикон нæ, фæлæ æхсæнадæмон олимпиадæты дæр. Уыдон ахуыр кæнынмæ бацæуынц Уæрæсейы Федерацийы æмæ æндæр бæстæты уæлдæр ахуыргæнæндæттæм. Сымахыл баст у, нæ зынаргъ ахуыргæнджытæ, нæ сывæллæттæ куыд æнтыстджын уыдзысты ахуыры æмæ царды мидæг, цахæм æмбæстæгтæ суыдзысты, сæ райгуырæн республикæйы рæзтмæ цавæр хайбавæрд бахæсдзысты, уый.
Ныфс мæ ис, сымахæн ацы аз кæй суыдзæн бирæ ахджиаг цауты, ног уæлахизтæ æмæ æнтыстыты аз.
Уадз æмæ ацы нысаниуæгджын бон æппæт сымахæн фыццагкъласонтæн, рауагъдонтæн, æппæт ахуырдзаутæн, ахуыргæнджытæн æмæ ныййарджытæн суæт æрмæст Зонындзинæдты бон нæ, фæлæ стыр æмæ ирд ныфсыты бæрæгбон, ног, хорз фæндаджы райдиан.
Мæ цæст уын уарзы циндзинад, æнæниздзинад, ног сфæлдыстадон æнтыстытæ!
Рæствæндаг ут!
Comments are closed, but trackbacks and pingbacks are open.